Qazaxda “Ailədə valideyn və uşaq münasibətlərinin düzgün tənzimlənməsi” mövzusunda onlayn təlim keçirilib
Yanvarın 28-də "Qazax Gənclər evi” sosial xidmət müəssisəsinin təşkilatçılığı
ilə "Ailədə valideyn və uşaq münasibətlərinin düzgün tənzimlənməsi” mövzusunda onlayn
təlim keçirilib.
Qazax Gənclər Evinin psixoloqu Fatma Rəhimova giriş sözü ilə çıxış edərək
təlim iştirakçılarını salamlayıb, təlimin məqsədi və əhəmiyyəti barədə gəncləri məlumatlandırıb.
Qazax Rayon İcra Hakimiyyəti başçısı aparatında aparıcı məsləhətçi-Yetkinlik
yaşına çatmayanların işləri və hüquqlarının müdafiəsi üzrə komissiyanın uşaqlarla iş
üzrə məsləhətçi-psixoloqu Kəmalə Cəfərova
çıxış edərək valideyn-uşaq münasibətləri və onların düzgün qurulması, uşaq şəxsiyyətinin formalaşmasında ailənin
rolu, valideyn məsuliyyəti, uşaq tərbiyəsində valideynin üzərinə düşən vəzifələr,
valideyn-uşaq münasibətlərində yol verilən səhvlər, valideyn sevgisinin övladın
gələcək həyatındakı təsiri və yeniyetmə psixologiyası barədə təlim
iştirakçılarına geniş məlumat verib.
22 nəfər iştirak etdiyi təlimdə sonda iştirakçıları maraqlandıran suallar
ətraflı şəkildə cavablandırılıb.
GOYEZEN.AZ
Facebook-da paylaş