Qazaxlı gənclər Vətən müharibəsi şəhidlərinin məzarlarını ziyarət ediblər
Sentyabrın 27-dən başlayan və 10 noyabrda böyük
tarixi Qələbə ilə başa çatan Vətən müharibəsi, İkinci Qarabağ savaşı! Zəfər
dolu günlərdən xeyli vaxt keçməsinə baxmayaraq Azərbaycan xalqı qalib ölkənin vətəndaşı
olmaq sevincini bu gün də yaşayır və qürur hissi keçirir. Bu sevinci isə bizlərə
Silahlı Qüvvələrin Müzəffər Ali Baş Komandanı İlham Əliyevin rəhbərliyi altında
şanlı Azərbaycan Ordusunun əsgər və zabitləri, hərbçiləri bəxş etdi. Azərbaycan
Ordusunun həyata keçirdiyi əks-hücum əməliyyatları zamanı neçə-neçə igid Vətən
oğlu doğma torpaq, yurd uğrunda canını fəda edərək Şəhidlik zirvəsinə yüksəldilər.
Onlar uca bir məqama çatmaqla həm də öz adlarını hərb tariximizə və xalqın
tarixi yaddaşına əbədi həkk etdilər. Bu gün hər birimiz torpaqlarımızın azadlığı uğrunda
canını qurban vermiş qəhrəman oğullarımızla fəxr edir, onların əziz xatirəsini
daim uca tutur, ruhları qarşısında baş əyirik. Yanvarın
25-də Qazax
Rayon Gənclər və İdman İdarəsi tərəfindən könüllülərin iştirakı ilə 44 gün
davam edən İkinci Qarabağ müharibəsi zamanı Qazax rayonunun Birinci Şıxlı
kəndindən şəhid olmuş igid Vətən oğullarının məzarları ziyarət olunub. "Vətən
uğrunda”, "İgidliyə görə”, "Kəlbəcərin azad olunmasına görə” medalları
ilə təltif olunmuş kapitan Pənahov Rövşən Mahmud oğlunun, "Qarabağ” ordeni, "Vətən uğrunda”, "Cəbrayılın
azad olunmasına görə” medalları
ilə təltif olunmuş baş leytenant Hüseynov Nəbi Hacıbala oğlunun, "Vətən uğrunda”, "Suqovuşanın azad
olunmasına görə” medalları
ilə təltif olunmuş əsgər Qurbanov Davud Tariyel oğlunun, "Vətən uğrunda”, "Cəbrayılın azad
olunmasına görə”, "Laçının azad olunmasına görə”, "Qubadlının
azad olunmasına görə”, "Hərbi
xidmətlərə görə” medalları ilə təltif olunmuş əsgər Nəsibov Nicat Səməd oğlunun, "Vətən uğrunda”, "Cəbrayılın
azad olunmasına görə”, "Laçının azad olunmasına görə”,"Qubadlının azad
olunmasına görə”, "Hərbi xidmətlərə görə” medalları ilə təltif olunmuş əsgər Həsənov Babək Saleh oğlunun, "Vətən
uğrunda”, "Döyüşdə fərqlənməyə görə”, "Füzulinin azad olunmasına görə” medalları ilə təltif olunmuş əsgər Mustafayev Merik Musa oğlunun məzarları ziyarət edilib.
Vətən oğullarının məzarlarına tər qərənfillər düzülərək əziz xatirələri
ehtiramla yad olunub, ruhlarına dualar oxunub. Qanları ilə tarix yazan, azadlıq, müstəqillik, qəhrəmanlıq simvolumuza çevrilən
şəhidlərimizin hər zaman
qəlbimizdə əbədi yaşayacaqları vurğulanıb, bu cür ziyarətlərin mütəmadi olaraq
təşkil olunacağı qeyd edilib. GOYEZEN.AZŞəhidlərimizi tanıyaq
və tanıdaq---------------------------
Facebook-da paylaş