Qazaxda “Azərbaycanın yeni tarixinin yaradıcısı” mövzusunda vebinar keçirilib
Qazax Rayon Gənclər və İdman İdarəsinin
təşkilatçılığı ilə "Azərbaycanın yeni tarixinin yaradıcısı” mövzusunda vebinar
keçirilib. 100 nəfərin qatıldığı vebinarda
əvvəlcə Vətən uğrunda canından keçmiş şəhidlərimizin müqəddəs ruhu bir
dəqiqəlik sükutla yad edilib. Qazax Rayon Gənclər və
İdman İdarəsinin rəisi Vüqar Nəbiyev giriş sözü ilə çıxış edərək vebinar
iştirakçılarını salamlayıb, təşkil olunmuş tədbirin məqsəd və əhəmiyyətindən
danışıb. V.Nəbiyev 27 sentyabrdan başlayan Vətən müharibəsində, İkinci
Qarabağ müharibəsində, haqq savaşında Azərbaycanın şanlı Qələbə qazanmasına görə
ölkə Prezidenti, Azərbaycan Silahlı Qüvvələrinin Ali Baş Komandanı İlham Əliyevə
və onun rəhbərliyi altında böyük rəşadət göstərən Azərbaycan Ordusuna minnətdar
olduğumuzu vurğulayıb. 44 gün davam edən haqq savaşında tarix yazan igid Vətən
oğulları ilə hər birimizin fəxr etdiyini, qürur duyduğunu qeyd edib.
Azərbaycan Respublikası
Milli Məclisinin deputatı Səməd Seyidovun köməkçisi Akif Əmirov, Qazax Rayon
Heydər Əliyev Mərkəzinin direktoru Ceyhunə Hüseynova, Qazax Dövlət Sosial-İqtisadi
Kollecinin Monitorinq və Qiymətləndirmə Şöbəsinin müdiri, Tələbə Gənclər
Təşkilatının sədri Elvira Əfəndiyeva, "Qazax Gəncər Evi” Sosial Xidmət Müəssisəsinin
direktoru Vüsal Hüseynov, Səfərbərlik
və Hərbi Xidmətə Çağırış üzrə Dövlət Xidmətinin Qazax rayon şöbəsinin müfəttişi Elmar Məmmədov
mövzu ətrafında geniş çıxış ediblər. Çıxışlarda hərb tariximizə yazılan Vətənmüharibəsini şəhidlərimizin canı-qanı bahasına, hərbçilərimizin
rəşadəti, dövlətimizin, Prezidentimizin qətiyyəti, xalqımızın iradəsi,
Prezident-xalq-ordu birliyi sayəsində qazandığımız bir daha gənclərin diqqətinə
çatdırılıb.
GOYEZEN.AZ
Facebook-da paylaş