Ölkə Prezidenti cənab İlham Əliyevin və Birinci vitse-prezident Mehriban xanım Əliyevanın çağırışlarını əldə rəhbər tutan Azərbaycan Könüllülərinin Əlaqələndirmə Mərkəzinin (AKƏM) start verdiyi "Bir-birimizi qoruyaq” kampaniyası Qazaxda da uğurla icra olunur.

AKƏM-nin başlatdığı "Bir-birimizi qoruyaq" kampaniyasına qoşulan Qazax Gənclərin İnkişaf və Karyera Mərkəzinin "Gənc Könüllülər”i ilk gündən bu aksiyada fəal iştirak edirlər.

Kampaniya çərçivəsində gənclər bu dəfə Qazax Rayon Polis Şöbəsinin əməkdaşları ilə birlikdə əhalinin kütləvilik təşkil etdiyi Mərkəzi bazar, "Nərgiz" Ticarət Mərkəzi, "Fəxri qazaxlılar” parkı, "Dəniz" kitab evi və digər ictimai iaşə obyektlərində vətəndaşlar arasında maarifləndirmə işləri aparıblar. Sakinlərin əllərini dezinfeksiya etdikdən sonra onlara əlcək və tibbi maska paylayıblar.

Azərbaycanda fəaliyyət göstərən könüllülər təşkilatları və hərəkatları tərəfindən yaradılmış AKƏM-nin həyata keçirdiyi aksiyanın əsas məqsədi karantin rejiminin yumşaldılması ilə əlaqədar vətəndaşların kütləvi toplaşdığı yerlərdə sosial məsafənin qorunması və digər davranış qaydaları barədə sakinlər arasında ictimai maarifləndirmə aparmaq, cəmiyyətin sağlamlığını qorumaqdır.

Sosial aksiya vətəndaşlar tərəfindən razılıqla qarşılanır.

Mərkəzi bazar və "Nərgiz" Ticarət Mərkəzi 

 "Fəxri qazaxlılar” parkı 

 "Dəniz" kitab evi 

İctimai iaşə obyektləri

GOYEZEN.AZ