"Əsas Həyat Bacarıqları" layihəsinin beşinci təlimi də uğurla keçib
Qazax Gənclərin
İnkişaf və Karyera Mərkəzində "Əsas Həyat Bacarıqları" ("Basic
Life Skills") layihəsinin ilk proqramı davam edir. Təlimin beşinci
mövzusu "Empatiya" olub. Bu
sessiyada iştirakçılar empatiyanın nə olduğunu öyrəniblər. Həmçinin təcrübədə fərdlərin
fərqli nəzər nöqtələri barədə bilik əldə ediblər. Gənclərə son olaraq inkişaf
etmiş empatiyanın 5 addımı barədə ətraflı məlumat verilib. 18-24 yaş
kateqoriyasına aid 20 nəfərin iştirak etdiyi təlim Qazax Gənclərin İnkişaf və
Karyera Mərkəzinin əməkdaşı Elmar Rzalı tərəfindən keçirilib. Təlimə
supervayzer qismində psixologiya üzrə fəlsəfə doktoru Aynur Bunyatova, eləcə də
UNICEF-in əməkdaşı Elman Süleymanov qatılıb. Gənclərin şəxsi
inkişafına müsbət təsir edəcək bu layihə UNICEF və Qazax GİKM-in təşkilatçılığı
ilə reallaşır. Qeyd edək
ki, gənclər layihə ərzində ümumilikdə 16 təlimdə iştirak edə biləcəklər. Layihə
2 ay müddətində davam edəcək və iştirakçılara sonda Sertifikatlar təqdim
olunacaq. GOYEZEN.AZ
Facebook-da paylaş