BDU-nun Qazax filialında 23 dekabrda ölkəmizdə keçiriləcək bələdiyyə seçkilərində ilk dəfə səs verən gənclərlə görüş keçirilib
"Azərbaycan
gəncliyi 2017-2021-ci illərdə” Dövlət Proqramı”nın Tədbirlər Planının 5.7.3
yarımbəndinin (Gənclər arasında seçki prosesinin və seçkilərdə iştirakın təbliği,
ilk dəfə səs verən gənc seçicilər arasında maarifləndirmə işinin təşkili)
icrasını təmin etmək məqsədilə 23 dekabr 2019-cu il tarixdə Azərbaycanda
keçiriləcək bələdiyyə seçkilərində ilk dəfə səs verən gənclər arasında maarifləndirmə
işinin aparılması, həmçinin gənclərin seçkilərdə fəallığının təmin edilməsi
istiqamətində təqdirəlayiq işlər görülür. Bu gün növbəti
maarifləndirici görüş Bakı Dövlət Universitetinin Qazax filialında təhsil alan
və 23 dekabrda ölkəmizdə keçiriləcək bələdiyyə seçkilərində ilk dəfə səs verəcək
gənclərlə keçirilib. Tədbirdə
Qazax Rayon Gənclər və İdman İdarəsinin rəis müavini Sahib Namazov, 107 saylı
Qazax Dairə Seçki Komissiyasının sədri Xəyyam Salehov, Bakı Dövlət
Universitetinin Qazax filialının dekanı Hamlet İlyasov, fəal gənc Şəhadət
Abbasov çıxış edərək gənclərlə maarifləndirici söhbətlər aparıblar. Tədbirdə gəncləri
maraqlandıran suallar cavablandırılıb. Ümumilikdə 50 nəfər gənc iştirak edib.
GOYEZEN.AZ
Facebook-da paylaş