"Azərbaycan gəncliyi 2017-2021-ci illərdə” Dövlət Proqramı”nın Tədbirlər Planının 5.7.3 yarımbəndinin (Gənclər arasında seçki prosesinin və seçkilərdə iştirakın təbliği, ilk dəfə səs verən gənc seçicilər arasında maarifləndirmə işinin təşkili) icrasını təmin etmək məqsədilə 23 dekabr 2019-cu il tarixdə Azərbaycan Respublikasında keçiriləcək bələdiyyə seçkilərində ilk dəfə səs verən gənclər arasında maarifləndirmə işinin aparılması, həmçinin gənclərin seçkilərdə fəallığının təmin edilməsi üçün məqsədyönlü işlər görülür.

Bu gün Qazax Dövlət Sosial-İqtisadi Kollecində 23 dekabrda ölkəmizdə keçiriləcək bələdiyyə seçkilərində ilk dəfə səs verən gənclərlə görüş keçirilib.

Tədbirdə Qazax Rayon Gənclər və İdman İdarəsinin rəisi Vüqar Nəbiyev, 107 saylı Qazax Dairə Seçki Komissiyasının sədri Xəyyam Salehov, "Gəncliyin Təşəbbüsü” Maarifləndirmə İctimai Birliyinin sədri Azər Əliyev, Qazax Dövlət Sosial-İqtisadi Kollecinin Tədris işləri üzrə direktor müavini Vüqar Eyyubov, kollecin Qiymətləndirmə və Monitorinq şöbəsinin müdiri Elvira Əfəndiyeva, fəal gənc Şəhadət Abbasov çıxış ediblər.

Tədbirdə gəncləri maraqlandıran suallar cavablandırılıb. Ümumilikdə 50 nəfər gənc iştirak edib.

GOYEZEN.AZ