"İlk yardımın göstərilməsi" mövzusunda əyani üsullarla təlim keçirilib
Bu gün Qazax Gənclərin İnkişaf və Karyera
Mərkəzinin və Azərbaycan Qızıl Aypara Cəmiyyətinin Qazax rayon bölməsinin birgə
təşkilatçılığı ilə Gənclər Mərkəzində "İlk yardımın göstərilməsi"
mövzusunda əyani üsullarla təlim keçirilib.
Mərkəzin direktoru İsmayıl Süleymanov tədbiri
giriş sözü ilə açaraq bu tipli təlimlərin əhəmiyyətini və vacibliyini diqqətə
çatdırıb.
Azərbaycan Qızıl Aypara Cəmiyyətinin
Qazax rayon bölməsinin rəhbəri Qurban Qurbanlı Beynəlxalq Qızıl Xaç və Qızıl
Aypara Hərəkatının tarixi barədə təlim iştirakçılarına ətraflı məlumat verib. O,
bildirib ki, 1920-ci il mart ayının 10-da təsis edilən Azərbaycan Qızıl Aypara
Cəmiyyəti müsəlman şərqində ilk demokratik respublika olan Azərbaycan Xalq
Cümhuriyyətinin varislərindən biridir. Milli Cəmiyyətin yaradılmasının
təşəbbüskarı isə general Əliağa Şıxlinski olub.
Azərbaycan Qızıl Aypara Cəmiyyətinin
Qazax rayon bölməsinin fövqəladə hallara hazırlıq üzrə çevik mobil dəstəsinin
könüllüsü Əli Əliyev təlim iştirakçıları ilə ilk yardımın necə göstərilməsi
barədə praktiki biliklərini bölüşüb.
Yekunda hər iki qurum gələcəkdə belə
tədbirlərin mütəmadi olaraq keçirilməsini qərara alıblar.
GOYEZEN.AZ
Facebook-da paylaş