İlham bir günəşdir atəşi sönməz,
Nura qərq eyləyər qaranlıqları.
İlham bir ümmandır, sonu görünməz,
Zəkası mum eylər qayalıqları.

Oddan yaranmışdır od oğlu, oddur,
Səsləyir gəncliyi daim irəli.
Zəfərlər dalınca çaldıqca zəfər,
Müxalif qüvvələr çəkilir geri.

Qarabağ dərdinə tapacaq çarə,
Bütün ümidimiz onadır ancaq.
Üçrəngli bayrağım əzəmət ilə,
Qədim Xankəndində dalğalanacaq.