ADA Universitetinin proqram rəhbəri BDU-nun Qazax filialının tələbələri ilə görüş keçirib
ADA Universitetinin Təhsil fakültəsinin proqram rəhbəri
Səidə Nəbiyeva və Tələbə qəbulu şöbəsinin nümayəndəsi Mahnur Abbasova Bakı Dövlət
Universitetinin Qazax filialında görüş keçiriblər. Heydər Əliyev auditoriyasında keçirilən görüşdə
filialda təhsil alan yuxarı kurs tələbələri iştirak edib. Dialoq və müzakirə şəklində keçirilən görüşdə S.Nəbiyeva
ADA Universitetinin magistr ixtisasları, bu ixtisaslara qəbul və digər imkanlar
barədə görüş iştirakçılarına geniş məlumat çatdırıb. Nümayəndələr qeyd ediblər
ki, ADA Universiteti növbəti ildən magistratura pilləsi üzrə Təhsil üzrə
menecment, Təlim və tədrisin təşkili və metodikası ixtisaslarının Azərbaycan dilində
tədrisinə başlayacaqdır. Bu ixtisaslar həm ADA Universitetində, həm də ADA
Universitetinin Qazax Mərkəzində əyani və distant formada tədris olunacaqdır. Görüşdə məlumatlar
slayt vasitəsilə nümayiş etdirilib. Tədbirin sonunda iştirakçıları
maraqlandıran suallar cavablandırılıb.
BDU-nun Qazax
filialının Mətbuat Mərkəzi
Facebook-da paylaş