Qazaxda 28 May – Respublika Günü rayonun bütün ümumtəhsil məktəblərində qeyd olunub
May Azərbaycan xalqının XX əsr tarixində ən əlamətdar, ən fəxarətli,
uğurlu hadisələrlə, gözəl bayramlarla zəngin olan bir aydır. Bu gözəl may
günlərinin biri - respublikamızın hər yerində təntənəli şəkildə qeyd olunan,
öyrənilən, yenidən yaşanan və ölməzlik qazanan 28 May Respublika Günü -
Azərbaycan Xalq Cümhuriyyətinin əsasının qoyulduğu gündür. Xalqımızın azadlıq və müstəqillik mübarizəsi tarixinə qızıl hərflərlə
həkk olunmuş 1918-ci il mayın 28-i hər bir Azərbaycan vətəndaşının milli qürur
hissi duyduğu, arzularının çiçək açdığı bir gündür. Əsrlərlə azadlıq və
müstəqillik arzusu ilə yaşayan Azərbaycan xalqı ötən əsrin əvvəllərində bu
işıqlı may günündə arzusuna qovuşdu. Şərqdə ilk dəfə azad, demokratik, dünyəvi
dəyərlərə söykənən müstəqil bir respublikanın yarandığı dünyaya bəyan edildi.
Xalqımız 1918-ci il mayın 28-də çar Rusiyasının bir əsrdən artıq davam edən
müstəmləkə əsarətindən azad oldu, Şərqin ilk demokratik respublikasının
təməlini qoydu. Həmin gün Azərbaycan Milli Şurasının iclasında İstiqlal
Bəyannaməsi qəbul edildi. Azərbaycan Xalq Cümhuriyyətinin qurulması XX əsrdə
xalqımızın həyatında yeni bir mərhələ, tarixi hadisə oldu. Müsəlman Şərqində ilk demokratik respublika olan Azərbaycan Xalq
Cümhuriyyətinin yarandığı gündən 101 il ötməsinə baxmayaraq, respublikamızın
hər yerində, o cümlədən də Qazaxda hər il böyük təntənə və silsilə tədbirlərlə
qeyd olunur. Bu gün rayonun bütün ümumtəhsil məktəblərində 28 May – Respublika
Gününə həsr olunmuş bayram tədbirləri keçirilib. Tədbirlərdə müəllim-şagird kollektivi ilə yanaşı, Qazax Rayon İcra
Hakimiyyəti başçısı aparatının məsul şəxsləri, rayon Təhsil şöbəsinin
əməkdaşları da iştirak ediblər. Tədbirlərdə çıxış edənlər qeyd ediblər ki, 1918-ci ilin mayından 70
il keçəndən sonra Azərbaycan xalqı yenidən ayağa qalxdı, öz haqqını-azadlığını,
müstəqilliyini və bütövlüyünü tələb etdi. Bu yolda məhrumiyyətlərə düçar
edildi, şəhidlər verdi, lakin yolundan dönmədi. 1991-ci ilin oktyabrında
Azərbaycan xalqı XX əsrdə ikinci dəfə öz müstəqilliyini elan etdi. Müstəqilliyi
və qanı bahasına alınmış azadlığı qorumaq yolunda xalqımız nə qədər təzyiqlərə
məruz qaldı. Lakin azadlıq aşiqlərinin gərgin əməyi və mübarizəsi sayəsində
əsrin sonunda Azərbaycanın müstəqilliyini qoruyub saxlamaq mümkün oldu. 1993-cü ilin may-iyun aylarında hökumət böhranının son dərəcə
kəskinəşməsi ilə ölkədə vətəndaş müharibəsinin baş verməsi və müstəqilliyin
itirilməsi təhlükəsi yarananda xalqın çağırışı ilə ümummilli lider Heydər
Əliyev ikinci dəfə hakimiyyətə gətirildi və Azərbaycan müstəqilliyinin yeni
mərhələsinə qədəm qoydu. Çiçəklənmə, iqtisadi inkişaf dövrü başlandı. Vurğulanıb ki, müasir müstəqil Azərbaycan getdikcə daha da inkişaf edir.
Bütün dünyada güclü dövlət kimi öz sözünü deməyə qadir olan bir ölkəyə
çevrilir. Bunun arxasında isə ölkə başçısı İlham Əliyevin uzaqgörən dövlət
siyasəti, müdrik zəkası və gərgin əməyi dayanır. GOYEZEN.AZQazax şəhər Qaratel Hacımahmudova adına
ümumi orta məktəb
Qazax şəhər Namiq Vəliyev adına 5 saylı tam
orta məktəb
Aslanbəyli kənd tam orta məktəb
Elşən Cəfərov adına Çaylı kənd 2 nömrəli tam orta məktəb
Şamoy Çobanov adına Ağköynək kənd tam orta məktəb
Facebook-da paylaş