Heydər Əliyev Fondunun təşəbbüsü ilə Qazaxda daha bir məktəb üçün yeni bina inşa olunur
Şahnabat Nəsibova adına Sarıvəlli kənd tam orta məktəbi də Dövlət Proqramında tikintisi nəzərdə tutulan məktəblərdəndir. Artıq Heydər Əliyev Fondu tərəfindən
reallaşan "Yeniləşən Azərbaycana yeni məktəb” layihəsi çərçivəsində
həmin məktəbin həyətində 220 şagird yerlik
yeni bina inşa olunur. İş icraçısı Elnur Verdiyevin sözlərinə görə
yanvar ayından tikintisinə başlanılan 2 mərtəbədən ibarət olan yeni məktəb
binasında şagirdlərin yüksək səviyyədə təhsil almaları üçün hər cür şərait
yaradılacaq. Zirzəmisi olmaq şərti ilə inşa olunan yeni məktəbdə həcmi 25 kubmetr
olan içməli su anbarı, həcmi 120 kubmetr olan yanğından mühafizə üçün su
anbarı, su nasosu stansiyası, qazanxana, idman zalı, akt zalı, yeməkxana və
oyun meydançası da inşa ediləcək. Görülən işlər haqda məlumat verən iş icraçısı
qeyd edib ki, zirzəmidə suvaq işləri yekunlaşmaq üzrədir. Eyni zamanda birinci
mərtəbənin hörgü işləri başa çatıb. Hazırda beton tökmək üçün alt hissənin
hazırlıq işləri tamamlanır. Bundan əlavə, idman zalında da hörgü işləri davam
edir. Məktəbin müəllim-şagird kollektivi,
valideynlər və kənd sakinləri əsası 1967-ci ildən qoyulan kənd məktəbi üçün
yeni binanın inşasına görə ölkə Prezidenti İlham Əliyevə, Birinci
vitse-prezident Mehriban Əliyevaya bu gün də minnətdarlıq edirlər. Məlumat üçün onu da qeyd edək ki, rayonda
Sarıvəlli kənd tam orta məktəbin tikintisi ilə yanaşı, Təhsil Nazirliyi
tərəfindən Aydın Məmmədov adına Qaymaqlı kənd tam orta məktəb üçün 180 şagird yerlik
yeni bina tikilir. Heydər Əliyev Fondu tərəfindən Xalq yazıçısı İsmayıl
Şıxlının adını daşıyan 1176 şagird yerlik Kosalar
kənd tam orta məktəbində aparılan yenidənqurma işləri isə yekunlaşmaq üzrədir. GOYEZEN.AZ
Hər kəsə yaxşı məlumdur ki, Respublika Prezidenti
cənab İlham Əliyev və Birinci vitse-prezident Mehriban Əliyeva tərəfindən
ölkəmizdə təhsil sahəsinə böyük diqqət və qayğı göstərilir. Heydər
Əliyev Fondunun təhsil sahəsində "Yeniləşən Azərbaycana yeni məktəb”, "Təhsilə
dəstək” layihələrini həyata keçirməsi isə bu sahəyə olan qayğının daha bir
bariz nümunəsidir. Bu layihələrin məqsədi ölkə miqyasında müasir standartlara
cavab verən təhsil kompleksləri yaratmaq, dövlətin təhsil siyasətinin həyata
keçirilməsinə dəstək göstərməkdir. Sevindirici haldır ki, bu layihələrin icrası
təkcə paytaxtla kifayətlənmir, respublikamızın bütün bölgələrini əhatə edir. Son illər Qazaxda da yeni məktəb binalarının inşası, təmirə
ehtiyacı olan məktəblərin əsaslı şəkildə yenidən qurulması, məktəblərin maddi-texniki bazasının gücləndirilməsi sahəsində
məqsədyönlü işlər görülür. Rayonda dövlət tərəfindən təhsil sahəsinə olan qayğının
əyani sübutu "Azərbaycan Respublikası regionlarının 2019–2023-cü illərdə
sosial-iqtisadi inkişafı Dövlət Proqramı”nın həyata keçirilməsi üzrə
hazırlanmış tədbirlər planına Qazax rayonu üzrə 11 məktəb binasının əsaslı
təmirinin və ya tikintisinin salınmasıdır.
Facebook-da paylaş