Layihə uğurla icra olunur
Ailə
Qadın və Uşaq problemləri üzrə Dövlət Komitəsi və BMT-nin Uşaq Fondunun birgə əməkdaşlığı ilə küçə həyatı yaşayan və
küçə həyatına məruz qalma ehtimalı olan uşaqların hüquqlarının müdafiəsi, eləcə
də bu uşaqlar və onların ailələri ilə kompleks sosial işin aparılması məqsədilə
Qazax rayonunda həyata keçirilən tədbirlər artıq müsbət nəticələr verməkdədir. Layihə çərçivəsində ezam olunmuş sosial işçilər
İcra Hakimiyyətinin Yetkinlik Yaşına Çatmayanların işləri və hüquqlarının müdafiəsi
üzrə komissiyaların işinə dəstək olaraq uşaqların ilkin sosial, psixoloji və
hüquqi ehtiyaclarını qiymətləndirir, küçə həyatına məruz qalmaqla bağlı
riskləri araşdırır və bunun əsasında fərdi qayğı və inkişaf planı tərtib
edirlər. Həmin plan əsasında uşaqların sosial, psixoloji,
hüquqi problemlərinin həlli, o cümlədən, təhsilə cəlb olunması, sağlamlıq
imkanlarının məhdudluğunun müəyyən edilməsi, sənəd problemlərinin həlli,
müalicə və müayinənin təşkili üçün aidiyyəti dövlət qurumlarına istiqamətləndirmə,
eyni zamanda, bir sıra aksiyalar təşkil edərək çətin həyat şəraitində olan bir
çox ailəni ehtiyaclarına uyğun yardımla təmin edirlər. Layihə
müddətində İcra Hakimiyyətinin Yetkinlik Yaşına Çatmayanların İşləri və hüquqlarının müdafiəsi üzrə Komissiya ilə
sosial işçilərin sıx əməkdaşlığı komissyanın əməkdaşlarının sosial iş sahəsində
bilik və bacarıqlarının daha da inkişaf etməsinə və onların həssas qruplardan
olan uşaqlarla işlərin təkmilləşdirməsinə, bu prosesin davamlı olmasına
imkanlar yaradır. 2
aydan artıqdır ki, icra olunan layihəyə əsasən 48 ailəyə sosial işçilər tərəfindən səfər olunub. Ötən müddət ərzində
Qazax rayonu üzrə layihədən bəhrələnənlərin sayı 191 nəfər olmuşdur ki, onlardan 76 nəfər birbaşa, 115 nəfər isə dolayısı ilə
bəhrələnmişdir. Benefisiarlardan 97 nəfəri uşaqlar olmuşdur. Bunlardan 3 nəfəri sağlamlıq imkanları
məhdud olan uşaqlardır. Aksiyalar
çərçivəsində çətin həyat şəraitində olan 8 ailə ərzaq, 3 ailə qurban əti, 5
ailə geyim (xüsusilə məktəbli forması), 6 ailə məktəbli ləvazimatları, 1 ailə
maliyyə yardımı ilə təmin edilmiş, 4 nəfər uşaq isə Qazax Müalicə
Diaqnostika Mərkəzində sünnət edilmişdir. Bundan əlavə, 1
nəfər əhalinin özünüməşğulluq layihəsinə cəlb olunmuş, digər
1 nəfərin isə itmiş sənədi bərpa olunmuşdur.
Məlumat
üçün qeyd edək ki, iyul ayından başlayan layihə sentyabrın sonunadək davam
edəcək. GOYEZEN.AZ
Facebook-da paylaş