Qazaxda yerli əhəmiyyətli memarlıq abidəsi olan İsrafil Ağa hamamı Nazirlər Kabinetinin müvafiq sərəncamı ilə Mədəniyyət Nazirliyinin balansına verilib
Qərbin qapısı sayılan
Qazaxda olan tarixi memarlıq abidələrindən biri də şəhərin mərkəzində, "Cümə” məscidinin qarşısında yerləşən qoşagünbəzli İsrafil Ağa
hamamıdır. Azərbaycan Respublikasının Nazirlər Kabinetinin 25
fevral 2022-ci il tarixli 123s nömrəli Sərəncamına əsasən Qazax Rayon İcra
Hakimiyyəti Qazax şəhər Kommunal Müəssisələri Kombinatının balansında olan, Qazax
şəhəri, Şəhidlər Xiyabanı küçəsində 500.0 kv.m torpaq sahəsində yerləşən, ümumi
sahəsi 417.0 kv.m təşkil edən yerli əhəmiyyətli memarlıq abidəsi olan 1 №-li
hamam binası ("İsrafil Ağanın hamamı”) Azərbaycan Respublikası Mədəniyyət
Nazirliyinin balansına verilib. Qazaxda yerli əhəmiyyətli memarlıq abidəsi olan İsrafil Ağa hamamının tarixi bina kimi qorunması
məqsədilə Mədəniyyət Nazirliyinin balansına verilməsi tarixi keçmişimizə, milli
mədəniyyət abidələrinə verilən qiymətin bariz nümunəsidir. Bu addım tarixi keçmişimizi özündə əks etdirən bu memarlıq
incisinin, tarixi abidənin gələcək nəsillərə çatdırılmasını təmin edəcək. GOYEZEN.AZ
Facebook-da paylaş