Peşələr festivalının növbəti dayanacağı Qazax şəhəri olub
Azərbaycan
Respublikası Əmək və Əhalinin Sosial Müdafiəsi Nazirliyi
tabeliyində Dövlət Məşğulluq Agentliyi tərəfindən ölkəmizdə ilk dəfə olaraq Peşələr festivalı keçirilir. "Öyrən, Əylən, Peşəni seç!” devizi altında keçirilən festivalın əsas
məqsədi düzgün peşə seçimi haqqında məlumatlılığın artırılması, eləcə də
iştirakçılara peşələr haqqında məlumatı əyani şəkildə yoxlayaraq əldə etmək
fürsəti yaratmaqdır. Azərbaycanın 10 bölgəsini əhatə edəcək festivalda 10
peşə haqqında maarifləndirici tədbirlər də həyata keçirilir. İştirakçılara
həmin peşə sahibləri ilə daha yaxından tanış olmaq imkanı yaradılır, peşə və
ixtisas seçiminə dəstək göstərilir. Ümumilikdə, Şamaxı, Sumqayıt, Lənkəran, Şirvan,
Bakı, Şəki, Mingəçevir, Bərdə, Gəncə, Qazax rayon və şəhərlərini əhatə edən festival
çərçivəsində aşbaz, dərzi, bərbər-vizajist, frontend developer,
qrafik-dizayner, interyer-dizayner, kompüter proqram təminatçısı, barista,
turizm agenti, elektron cihazların təmirçisi peşələri təqdim olunur. Festivala qatılan iştirakçılar əmək bazarında peşələrə
və peşələr üzrə bacarıqlara olan tələblər, gələcəkdə əmək bazarının necə
formalaşacağı barədə məlumatlara sahib olmaq imkanı əldə edirlər. Azərbaycan
Respublikası Əmək və Əhalinin Sosial Müdafiəsi Nazirliyi tabeliyində Dövlət
Məşğulluq Agentliyi tərəfindən keçirilən Peşələr festivalının növbəti dayanacağıQazax
şəhəri olub. İyunun
3-də Qazax şəhəri Heydər Əliyev parkında Gənclər Evinin qarşısında təşkil
olunmuş festivalda Qazax Rayon İcra Hakimiyyətinin başçısı Rəcəb Babaşov, icra
aparatının məsul şəxsləri, Azərbaycan Respublikası Əmək və Əhalinin Sosial
Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin
sədri Mustafa Abbasbəyli, Agentliyin əməkdaşları, Əmək və Əhalinin Sosial Müdafiəsi
Nazirliyinin tabeliyində Dövlət Məşğulluq Agentliyinin Qazax-Tovuz
Regional Məşğulluq filialının müdiri Elçin Nəsibov, rayonun hüquq-mühafizə orqanlarının rəhbərləri, Azərbaycan Respublikası Milli Məclisinin Beynəlxalq münasibətlər və
parlamentlərarası əlaqələr komitəsinin sədri Səməd Seyidovun köməkçisi Akif
Əmirov, dövlət və
özəl qurumların nümayəndələri, yerli ekspertlər, işəgötürənlər, məktəblilər, tələbə
və gənclər, rayon ictimaiyyətinin nümayəndələri iştirak ediblər.
Festivalın
aparıcısı Könül Muxtarova çıxış edərək tədbir iştirakçılarını öz növbəsində
salamlayıb, festivalı açıq elan edib. "Öyrən, əylən, peşəni seç” devizi altında
müxtəlif peşələr üzrə ekspertlərin iştirakı ilə keçirilən festivalda
iştirakçıların peşələr üzrə hansı bacarıqların tələb olunduğunu yaxından
öyrənəcəklərini, eyni zamanda, gənclərin müxtəlif əyləncəli proqramlarla gözəl
bir gün yaşayacaqlarını söyləyib. Qazax
Rayon İcra Hakimiyyətinin başçısı Rəcəb Babaşov giriş sözü ilə çıxış edərək qonaqları və
festival iştirakçılarını salamlayıb, səmimi ürək sözlərini çatdırıb. İcra
başçısı qalib ölkənin qalib vətəndaşları olaraq bu gün bu festivalda iştirak
etməyin qürurverici və xoş olduğunu bildirib. Rayon rəhbəri respublikamızın ən
ucqar rayonu olan Qazaxda 10 peşə üzrə yüksək səviyyəli festivalın
keçirilməsinə görə Azərbaycan Respublikası Əmək və Əhalinin Sosial Müdafiəsi
naziri Sahil Babayev başda olmaqla, Nazirliyin tabeliyində Dövlət Məşğulluq
Agentliyinin rəhbərliyinə öz adından və rayon ictimaiyyəti adından
minnətdarlığını bildirib. İcra başçısı Agentlik tərəfindən ölkəmizdə ilk dəfə
olaraq keçirilən Peşələr festivalının əhəmiyyətindən danışaraq bu təşəbbüsü
dövlətin gənclərə olan növbəti qayğısı kimi qiymətləndirib. Rayon rəhbəri
tutduğu mövqeyindən, vəzifəsindən asılı olmadan hər kəsin öz peşəsini sevməli
olduğunu, yaxşı peşə sahibi olaraq dövlətinə, xalqına layiqli vətəndaş kimi öz
töhfəsini verməli olduğunu diqqətə çatdırıb. Rayon rəhbəri gənclərə düzgün peşə
seçmək üçün yaradılan imkanlardan səmərəli istifadə etməyi, festivalda təqdim
olunan peşələrdən yararlanmağı tövsiyə edib. Azərbaycan
Respublikası Əmək və Əhalinin Sosial Müdafiəsi Nazirliyi tabeliyində Dövlət
Məşğulluq Agentliyinin İdarə Heyətinin sədri Mustafa Abbasbəyli çıxış edərək Əmək və Əhalinin Sosial
Müdafiəsi Nazirliyi və Dövlət Məşğulluq Agentliyi adından rayon rəhbərliyini və
festival iştirakçılarını salamlayıb, göstərilən qonaqpərvərliyə, böyük coşquya
görə minnətdarlığını bildirib. M.Abbasbəyli ölkə Prezidenti İlham Əliyevin
müvafiq Fərmanı ilə Dövlət Məşğulluq Agentliyinin 2020-ci ildə yenidən təşkil
edildiyini diqqətə çatdırıb. Həmin andan etibarən Agentlik olaraq bütün xidmətlərin
yenidən yaradıldığını, bütün islahatların yenidən başlanıldığını vurğulayıb. Natiq
çıxışında Agentlik olaraq 24 fəaliyyət istiqaməti üzrə işsiz və işaxtaranların
öz məşğulluğunu təmin etmələrinə dəstək verdiklərini, eyni zamanda, gəncləri,
tələbələri gələcəyin əmək bazarına hazırlamağı üzərilərinə öhdəlik kimi
götürdüklərini qeyd edib. Bugünkü tədbirin də məhz bu məqsədə xidmət etdiyini söyləyib.
Tədbirin mahiyyətindən danışan natiq qeyd edib ki, əsas hədəfimiz gənclərə,
onların valideynlərinə gənclərə düzgün peşə seçimində dəstək olmalarında
köməklik göstərməkdir. M.Abbasbəyli yeniyetmə və gənclərin müasir əmək bazarı
barədə məlumatlılığının və peşələrə marağının artırılmasında, əmək bazarının
tələblərinə uyğun peşə seçimində festivalın rolunu yüksək qiymətləndirib. Sonra rayon
rəhbərliyi və qonaqlar festivalda təqdim olunan peşələrin stendləri ilə tanış
olub, ekspertlərlə söhbət ediblər. Daha
sonra ekspertlər peşələr üzrə məlumat verib, festival müxtəlif əyləncəli
proqramlarla davam etdirilib. Rayonumuzda
olan qonaqlar 44 günlük Vətən müharibəsi şəhidlərinin xatirəsinə yaradılmış
"Qarabağ Azərbaycandır!” Abidə Kompleksini də ziyarət edərək şəhidlərimizin
əziz xatirəsini ehtiramla yad ediblər.
GOYEZEN.AZ
Facebook-da paylaş