Qazaxda mübarək Ramazan bayramı ərəfəsində dindarlarla görüş keçirilib
Aprelin 20-də Qazax Rayon İcra Hakimiyyətində mübarək
Ramazan bayramı ərəfəsində dindarlarla
növbəti görüş keçirilib. Dəyirmi masa ətrafında
keçirilən görüşdə Qazax Rayon İcra Hakimiyyəti başçısının birinci müavini, RİH
başçısı yanında Dini İşlər üzrə
Komissiyanın sədri Məmməd Alıyev, RİH başçısı aparatında İctimai-siyasi və
humanitar məsələlər şöbəsinin müdir müavini - Dini qurumlarla işin təşkilatçısı
Ceyhun Rüstəmov, Qafqaz Müsəlmanları İdarəsinin Qərb bölgəsi üzrə qazısı, Qazax
"Cümə” məscidinin imamı İlham Süleymanov, Dini Qurumlarla İş Üzrə Dövlət Komitəsinin
Tovuz bölgəsi üzrə şöbəsinin məsləhətçisi Eşqin Allahverənov, rayonda fəaliyyət
göstərən icma sədrləri və dini ayinlərin icraçıları iştirak ediblər.
Tədbiri giriş sözü
ilə açan Qazax Rayon İcra Hakimiyyəti başçısının birinci müavini Məmməd Alıyev
dindarları salamlayıb, artıq ənənə halını alan görüşün məqsəd və əhəmiyyətindən
danışıb. Rayon rəhbərliyinin adından tədbir iştirakçılarını mübarək Ramazan
bayramı münasibətilə təbrik edib, xoş arzularını çatdırıb. Birinci müavin builki Ramazanı Prezident İlham Əliyevin
siyasi qüdrəti və qətiyyəti sayəsində Zəfər çalmış qalib ölkənin xalqı olaraq
qeyd etdiyimizi bildirib. Xalq olaraq Azərbaycanın ayrılmaz hissəsi olan
Qarabağda, Şuşada dövlət bayrağımızın dalğalanmasının, məscidlərin minarələrindən
azan səslərinin ucalmasının, tarixi ədalətin bərpasının qürurunu yaşadığımızı
vurğulayıb. Tarixi Qələbəni, bu mübarək günləri bizə, bütün xalqımıza yaşatdığı
üçün Müzəffər Ali Baş Komandan İlham Əliyevə, şanlı Azərbaycan Ordusuna, canını
Vətən üçün fəda edən şəhidlərimizə, sağlamlığını itirən qazilərimizə borclu və
minnətdar olduğumuzu qeyd edib. Səmimi söhbət əsasında keçən görüşdə rayonda dövlət-din münasibətlərinin düzgün tənzimlənməsi, dindarlar
arasında təriqət və məzhəb ayrı-seçkiliyinin aradan qaldırılması, tolerant
mühitin yaradılması, multikultural dəyərlərin qorunub saxlanılması və onlara
hörmətlə yanaşılmasından söz açılıb. Qeyd olunub ki, bugünkü görüşün məqsədi "Dini
etiqad azadlığı haqqında” və "Dini ekstremizmə qarşı mübarizə haqqında” Azərbaycan
Respublikasının Qanunlarının öyrənilməsi məqsədilə dindarlar arasında maarifləndirici
söhbətlərin təşkili sahəsində aparılan işlərin vəziyyəti, dinlə bağlı problemləri,
nöqsan və çatışmazlıqları öyrənmək, onların aradan qaldırılması üçün lazımi tədbirlərin
həyata keçirilməsidir. Bu sahədə görülən işləri və qarşıda duran vəzifələri
müzakirə etməkdir. Görüşdə Azərbaycanın bütün dünyada tolerant ölkə kimi
tanınmasından, Ulu Öndər Heydər Əliyevin ölkəmizdə tolerantlığın qorunub
saxlanılması istiqamətində həyata keçirdiyi tədbirlərdən də söhbət açılıb.
Bildirilib ki, məhz dahi şəxsiyyətin bu sahədə gördüyü işlərin nəticəsidir ki,
bu gün Azərbaycan müxətlif milli-mənəvi dəyərlərin qovuşma müstəvisinə
çevrilib. Azərbaycan indi dünyanın nadir ölkələrindəndir ki, burada bütün millətlər,
xalqlar, bütün dinlərin nümayəndələri bir ailə kimi yaşayır. Ölkəmizdə dini və
milli dözümlülük, tolerantlıq yüksək səviyyədədir. Görüşdə Prezident İlham
Əliyevin dindarlarla keçirdiyi görüşlərdən, Ramazan bayramlarında ənənəvi
olaraq din xadimləri ilə iftar süfrələrində birgə iştirakından və bu mərasimlərə
Azərbaycanda mövcud olan dini icmaların nümayəndələrinin qatılmasından da
danışılıb. Qeyd olunub ki, bu görüşlər də bir daha sübut edir ki, ölkədə artıq
tolerant düşüncə tam bərqərar olub. Vurğulanıb ki, dünyada sülhün, əmin-amanlığın
təmin edilməsi, asayişin qorunması üçün mütləq dinlərarası münasibətlər,
dialoqlar gücləndirilməlidir. Dövlətin gücünü əhalinin tolerant olmasında, müxtəlif
dinlərin, mədəniyyətlərin və sivilizasiyaların birgə yaşayışında görən ölkə
Prezidenti bütün dünyaya göstərir ki, tolerantlıq Azərbaycan xalqının
ruhundadır. Görüşdə 29.03.2022-ci il tarixdə Qafqaz Müsəlmanları İdarəsinin Qazılar Şurası tərəfindən
Ramazan ayı ilə əlaqədar Fətva verildiyi qeyd edilib. QMİ-nin Qazılar Şurasının
Ramazan ayı ilə bağlı fətvasına qanunvericiliyin tələblərinə əməl edilməsinin
vacib məsələrdən biri olduğu vurğlanıb. Azanların QMİ-nin təqviminə uyğun
verilməsi, eyni zamanda, təfriqə xarakterli, məzhəb və vaxt ayrı-seçkiliyinə səbəb
ola biləcək təqvimlərdən istifadənin yolverilməz olduğu qeyd olunub. Səmimi söhbət əsasında
keçən görüşdə birinci müavin dindarları narahat edən məsələlərlə, rayonda din
sahəsində olan mövcud vəziyyətlə də maraqlanıb, onların rəy və təkliflərini
dinləyib. Qazax Rayon İcra
Hakimiyyəti başçısının birinci müavini Məmməd Alıyev tədbirə yekun vuraraq bu
cür görüşlərin mütəmadi olaraq keçiriləcəyini bildirib. Sonda br daha təbriklərini
çatdırıb.
GOYEZEN.AZ
Qafqaz
Müsəlmanları İdarəsinin Qərb bölgəsi üzrə qazısı, Qazax "Cümə” məscidinin imamı İlham
Süleymanov, RİH başçısı aparatında İctimai-siyasi və humanitar məsələlər
şöbəsinin müdir müavini - Dini qurumlarla işin təşkilatçısı Ceyhun Rüstəmov, dini
icma sədrlərindən Sahilə Orucova, İslam Əliyev, dini ayinlərin icraçılarından Həmzə
Qaraxanov, Zaur Rzayev, Allahverdi Nəsirov, Fazil Süleymanov, Mikayıl Qədimov və
başqaları çıxış edərək rayonda dini durumun tam sabit olduğunu, bu sahədə heç
bir problemin olmadığını, dindarların ölkə Prezidenti İlham Əliyevin ətrafında
sıx birləşdiklərini, ölkəmizin əmin-amanlığı üçün dualar etdiklərini qeyd
ediblər. Dindarlar rayonda məscidlərə və dindarlara göstərilən diqqət və
qayğıya, hər cür köməyə görə ölkə başçısına və rayon rəhbərinə minnətdarlıqlarını
bildiriblər. "Azərbaycanda dini qurumlara maliyyə yardımı göstərilməsi haqqında”
Azərbaycan Respublikası Prezidentinin 18 aprel 2022-ci il tarixli Sərəncamından
söz açan çıxışçılar bunu dövlətin, ölkə rəhbərinin dövlət-din münasibətlərinə, din
xadimlərinə olan növbəti qayğısı kimi qiymətləndiriblər. Qeyd ediblər ki,
Sərəncamda da qeyd edildiyi kimi: "Azərbaycanda yaşayan ayrı-ayrı xalqlar və
dinlər arasında qarşılıqlı hörmət və etimada əsaslanan yüksək birgəyaşayış
mədəniyyəti, dostluq və qardaşlıq mühiti hökm sürür. Dünyada nümunəvi
tolerantlıq məkanına çevrilmiş ölkəmizdə multikultural dəyərlərin daha da
inkişaf etdirilməsi, habelə etnik-dini müxtəlifliyin qorunub saxlanılması
dövlət siyasətinin əsas istiqamətlərindən birini təşkil edir. Dövlət–din
münasibətlərinin davamlı olaraq təkmilləşdirilməsi, tolerantlıq və mədəni
müxtəliflik ənənələrinin təbliği və təşviqi cəmiyyətdə milli-mənəvi həmrəyliyin
güclənməsinə və qarşılıqlı anlaşma münasibətlərinin ahəngdar inkişafına xidmət
edir”.
Facebook-da paylaş