Bu gün növbəti səyyar görüş İkinci Şıxlı kəndində keçirilib
Bu gün tam əminliklə deyə bilərik ki, ölkəmizdə
yürüdülən dövlət siyasətinin əsasını vətəndaş amili təşkil edir. Hər kəsə o da
yaxşı məlumdur ki, cənab Prezident İlham Əliyevin icra hakimiyyəti başçılarını,
mərkəzi icra hakimiyyəti orqanlarının rəhbərlərini qəbul edən zaman dövlət
məmurları haqqında səsləndirdiyi fikirlər, onlara daim xalqın içində
olmaları, icra başçılarına bütün kəndləri gəzmələri, sakinlərlə
görüşmələri, vətəndaşların qayğılarını öz dillərindən eşitmələri, onların
problemlərini yerində öyrənmələri, düzgün təhlil aparmaları barədə verdiyi
tapşırıq və tövsiyələrdə də məhz vətəndaş amili, mövqeyi, onların məmnunluğu əsas
götürülür. Həmçinin, ölkə başçısının tapşırıq və tövsiyəsinə əsasən şəhər və
rayonlarda sakinlərlə keçirilən səyyar qəbullar da bu məqsədə xidmət edir. Məlum koronavirus (COVID-19) infeksiyasının yayılması
səbəbindən şəhər və kəndlərdə keçirilən səyyar görüşlər 2 illik fasilədən sonra
Azərbaycan Respublikası Nazirlər Kabineti yanında Operativ
Qərargahın xüsusi karantin rejiminin tələb və tövsiyələri nəzərə
alınmaqla 2022-ci ilin mart ayından etibarən yenidən bərpa olunub. Ölkə Prezidentinin insanlara layiqli xidmət
göstərilməsi, vətəndaşların qayğılarına xüsusi həssaslıqla yanaşılması ilə
bağlı tapşırıqları Qazaxda da birmənalı olaraq icra edilir. Əhalini narahat
edən problemlərin yerlərdə birbaşa həlli və sosial əhəmiyyətli sifarişlərin
müəyyən edilməsi məqsədilə mart ayından başlayaraq Qazax Rayon İcra Hakimiyyəti
başçısının şəhər və kəndlərdə səyyar qəbulları keçirilir. Növbəti səyyar görüş aprelin 7-də rayonun İkinci
Şıxlı kəndində keçirilib. Rayonun hüquq-mühafizə orqanlarının,
aidiyyəti idarə, müəssisə və təşkilat, xidmət sahələri rəhbərlərinin, kənd
sakinlərinin iştirak etdiyi səyyar görüşdə ölkə başçısı tərəfindən vətəndaşlara
göstərilən dövlət qayğısından, əhalinin maddi rifah halının, sosial
vəziyyətinin yaxşılaşdırılması istiqamətində həyata keçirilən layihələrdən
danışılıb.
Kənd sakinlərini salamlayan Qazax Rayon İcra
Hakimiyyətinin başçısı Rəcəb Babaşov bugünkü səyyar görüşün də
əsas məqsədinin hər zaman olduğu kimi, vətəndaşları narahat edən qayğıları,
qaldırılan məsələləri, səslənən fikirləri dinləmək, həlli istiqamətində əməli
işlər görmək, ehtiyac yarandığı halda aidiyyəti təşkilatlar, mərkəzi icra
hakimiyyəti orqanları qarşısında məsələ qaldırmaq olduğunu vurğulayıb. Bütün kəndlərdə olduğu kimi, İkinci
Şıxlı kəndində yaşayan sakinlərə, onların qaldırdıqları məsələlərə daim qayğı
ilə yanaşıldığını bildirib. Ölkə Prezidenti İlham Əliyev və Birinci
vitse-prezident Mehriban Əliyevanın rəhbərliyi altında respublikamızda
koronavirus (COVID-19) infeksiyasına qarşı aparılan mübarizə tədbirlərindən söz
açan icra başçısı həmin işlərin bu gün də uğurla davam etdirildiyini qeyd edib.
Xüsusilə də əhalinin vaksinasiyası sahəsində olan işlərin rayonda uğurla
aparıldığını, əhalinin peyvəndlənməsi sahəsində görülmüş işlərin nəticəsinə
görə Qazaxın ön sıralarda yer aldığını söyləyib. Məhz bu tədbirlər sayəsində
əldə olunmuş nailiyyətlərə görə ağır günlərin arxada qaldığını, bu gün
ölkəmizdə Operativ Qərargah tərəfindən xüsusi karantin rejimi çərçivəsində
növbəti yumşalma tədbirləri barədə qərar qəbul edildiyini vurğulayıb.
2020-ci ilin 27 sentyabrında başlayıb 10 noyabrında
tarixi Qələbə ilə başa çatan 44 günlük Vətən müharibəsindən danışan rayon
rəhbəri bu gün bu Zəfərə görə xalq olaraq Ali Baş Komandana, hərbçilərimizə,
şəhidlərimizə, qazilərimizə borclu və minnətdar olduğumuzu dilə gətirib. 44
günlük savaşda respublikamızın hər yerindən olduğu kimi, Qazax elindən də 51
nəfər igid Vətən oğlunun Şəhidlik zirvəsinə ucaldığını, onlardan iki nəfərinin
İkinci Şıxlı kəndindən olduğunu bildirib. Ölümündən sonra "Vətən uğrunda”, "Döyüşdə fərqlənməyə görə”, "Füzulinin azad olunmasına görə” medalları ilə təltif olunmuş, İkinci Şıxlı kənd sakini, şəhid
əsgər Kərimov Emil İlqar oğlunun və ölümündən sonra "Vətən uğrunda”, "Xocavəndin
azad olunmasına görə”, "Füzulinin azad olunmasına görə”, "Şuşanın azad
olunmasına görə”, "Cəsur
döyüşçü” medalları
ilə təltif olunmuş, İkinci Şıxlı kənd sakini, şəhid əsgər Omarov Elmar Elvar
oğlunun xalqımızın, qazaxlıların, eləcə də doğma həmkəndlilərinin qəlbində
əbədi yaşayacaqlarını qeyd edib. Rayon rəhbəri
Respublika Prezidenti İlham Əliyev, Birinci vitse-prezident Mehriban Əliyeva
tərəfindən şəhid ailələrinə və qazilərimizə göstərilən qayğının Qazaxda da hər
zaman nümunə götürüldüyünü bildirib. Qazaxda bütün şəhidlərimizin, eləcə
də Vətən müharibəsi şəhidlərinin daim yad olunacağını, şəhid ailələrinə olan
qayğının bundan sonra da davam etdiriləcəyini vurğulayıb. Son illər rayonda, eləcə də kəndlərdə aparılan abadlıq
işlərindən söz açan rayon rəhbəri bu il də işlərin geniş miqyas aldığını bildirib.
Rayon rəhbəri uzun illərdən bəri həlli vacib olan
məsələlərdən birinin - su-kanalizasiya sisteminin ölkə rəhbərinin diqqət və
qayğısı sayəsində öz müsbət həllini tapdığını bildirib. Ölkə rəhbərinin tapşırığına əsasən Qazax
şəhərinin içməli su və tullantı su sistemlərinin yenidən qurulması layihəsinin
icra olunduğunu, çəkilişdən sonra şəhərin
abadlaşdığını vurğulayıb. Rayon rəhbəri ölkə Prezidentinin və Birinci vitse-prezidentin
respublikamızda təhsil sahəsinə göstərdikləri qayğının Qazaxda da yüksək səviyyədə hiss olunduğunu söyləyib. Qeyd
edib ki, rayonda dövlət tərəfindən təhsil sahəsinə olan qayğının əyani göstəricisi
"Azərbaycan Respublikası regionlarının 2019–2023-cü illərdə
sosial-iqtisadi inkişafı Dövlət Proqramı”nın həyata keçirilməsi üzrə
hazırlanmış tədbirlər planına Qazax rayonu üzrə 11 məktəb binasının əsaslı təmirinin
və ya tikintisinin salınmasıdır. Heydər Əliyev Fondu tərəfindən reallaşan
"Yeniləşən Azərbaycana yeni məktəb” proqramı çərçivəsində Qazaxda da yeni
məktəb binaları inşa olunur. Heydər Əliyev Fondu tərəfindən Xalq
yazıçısı İsmayıl Şıxlının adını daşıyan 1176 şagird yerlik Kosalar kənd
tam orta məktəbin əsaslı şəkildə yenidən qurularaq müəllim və şagirdlərin
istifadəsinə verilməsi, Təhsil Nazirliyi tərəfindən Aydın Məmmədov
adına Qaymaqlı kənd tam orta məktəb üçün 180 şagird yerlik yeni binanın
inşa olunması, ölkə başçısı tərəfindən Mehdi Hüseyn adına humanitar və təbiət fənləri üzrə məktəb-lisey
binasının sökülərək yenidən tikilməsi haqqında imzalanan 4 avqust 2020-ci il
tarixli Sərəncama əsasən bu gün yeni məktəbin inşa olunması dövlətin Qazaxda təhsil
sahəsinə olan yüksək diqqət və qayğısıdır. İcra başçısı Qazax rayon Şahnabad Nəsibova adına Sarıvəlli kənd tam orta məktəbində Dövlət Proqramında tikintisi nəzərdə tutulan məktəblərdən
biri olduğunu və Heydər Əliyev Fondu tərəfindən məktəb üçün yeni bina tikildiyini, bu il
yanvarın 17-də istifadəyə
verildiyini qeyd edib. Bunu Qazaxın timsalında təhsil sahəsinə olan
növbəti dövlət qayğısı kimi qiymətləndirib. Buna görə Birinci vitse-prezident
Mehriban Əliyevaya məktəbin kollektivi və kənd sakinləri adından bir daha
minnətdarlığını bildirib.
İcra başçısı qeyd edib ki, ADA Universitetinin "Bir müəllimin
manifesti” təşəbbüsü çərçivəsində tariximizin incisi olan Qazax Müəllimlər
Seminariyasının binasını bərpa etməsi Qazaxda təhsil sahəsinə olan qayğının
bundan sonra da uğurla davam etdirilməsi deməkdir. Rayon rəhbəri bütün bu işlərə
və Qazaxın timsalında bölgələrimizdə təhsil sahəsinə göstərilən dövlət
qayğısına görə rayon ictimaiyyəti, ziyalılar, təhsil işçiləri adından ölkə başçısına
və Birinci vitse-prezidentə təşəkkürünü çatdırıb. İcra başçısı bildirib ki, son illər Qazaxda daim
diqqət ayrılan sahələrdən biri uşaqlara göstərilən qayğıdır. Həmin qayğının
bariz nümunəsi bu gün rayonda mövcud olan 25 məktəbəqədər təhsil müəssisəsindən
(6-sı şəhər, 19-u kənd üzrə) 21-nin müasir tələblərə cavab verən səviyyədə
olmasıdır. İcra başçısı qeyd edib ki, bu gün rayonda təmirli olan həmin
bağçalardan birinin məhz İkinci Şıxlı kəndində yerləşdiyini, digər 2 uşaq
bağçasının təmirinin də nəzərdə tutulduğunu söyləyib. Rayonda, eləcə də kəndlərdə elektrik enerjisi və mavi
yanacaqla bağlı heç bir problemin olmadığını qeyd edən rayon rəhbəri bu
istiqamətdə görülən işlərdən söz açıb. Bu gün rayonun sərhəd kəndlərində SİP
kabelləşmə işinin başa çatdığını qeyd edib. Rayon rəhbəri digər kəndlərdə
olduğu kimi, İkinci Şıxlı kəndində də SİP kabelləşmə işinin başa
çatdırılacağını, eləcə də rabitə xəttinin yenilənəcəyini, optik internet
xəttinin çəkiləcəyini bildirib. "Bu gün biz siz vətəndaşları dinləməyə gəlmişik”, -
deyən icra başçısı sakinləri narahat edən məsələləri dinləyib, qayğıları ilə
maraqlanıb. Kənd sakinləri respublikamızda, Qazax rayonunda, eləcə də
rayonun kəndlərində görülən genişmiqyaslı işlərə görə ölkə başçısına və
rayon rəhbərliyinə təşəkkürlərini çatdırıblar. Rayonda, o cümlədən İkinci
Şıxlı kəndində görülən işlərdən danışan sakinlər abadlıq və quruculuq işlərinə,
sosial problemlərin müsbət həllini tapmasına görə Prezident İlham Əliyevə,
rayon rəhbərliyinə bütün kənd sakinləri adından dərin minnətdarlıqlarını
bildiriblər. Səmimi söhbət əsasında keçən görüşdə minnətdarlıqla
yanaşı, sakinlər onları narahat edən bir sıra məsələlərdən də söz açıblar. Sakinlərdən
Telman Gülməmmədovun Gürcüstan Respublikası ərazisinə düşən dəmyə pay torpağından
istifadə edə bilməməsi, Kəmalə Yusifovanın oğlunun işlə təmin olunması, İlkin
Hüseynovun işlə təmin edilməsi, Məhəbbət İsmayılovanın şəhid ailəsi kimi dövlət
tərəfindən tikilmiş evinə qaz və elektrik xəttinin çəkilməsi, Rəna Yusifovanın
kənddə narkomaniya ilə bağlı aparılan mübarizə tədbirlərinin gücləndirilməsi,
Mətanət Omarovanın yeni doğulmuş nəvəsi üçün süd pulunun verilməsinə köməklik
olunması, 1 otaqlı evinin təmiri, Elman Əhmədovun dəmyə torpağının suvarma suyu
ilə təmin edilməsi, Ayşa Dılışovanın akademik borcunun ödənilməsinə köməklik
edilməsi, Mustafa Ömərovun yaşadığı evə yaxın ərazidə fəaliyyət göstərən
yanacaqdoldurma məntəqəsinin fəaliyyətindən narazı olması və s. bağlı
müraciətlərini dinləyən rayon rəhbəri qaldırılan hər bir məsələyə həssaslıqla
yanaşılacağını, diqqətlə baxılacağını bildirib. Qeyd edilən məsələlərin
araşdırılması, yerində baxış keçirilməsi və həlli istiqamətində aidiyyəti üzrə
müvafiq tapşırıqlarını verib.
GOYEZEN.AZ
Facebook-da paylaş