Qazaxda "Zəfərin mübarək, Azərbaycanım!" adlı növbəti tədbir keçirilib
8
Noyabr - Zəfər Günü ilə əlaqədar respublikamızın hər yerində olduğu kimi,
Qazaxda da silsilə tədbirlər keçirilir. 8
Noyabr - Zəfər Gününə həsr olunmuş növbəti bayram tədbiri noyabrın 5-də Qazax Rayon
Mədəniyyət Mərkəzinin böyük zalında təşkil olunub. "Zəfərin
mübarək, Azərbaycanım!" adlı tədbirdə Qazax Rayon
İcra Hakimiyyəti başçısı aparatında İctimai-siyasi və humanitar məsələlər şöbəsinin baş məsləhətçisi
Sərdar Orucov, Ağstafa Regional Mədəniyyət İdarəsinin rəisi Elbəy Əli, Vətən
müharibəsi şəhidlərinin ailələri, qaziləri, iştirakçıları, mədəniyyət işçiləri,
rayon ictimaiyyəti iştirak ediblər. Tədbir
iştirakçıları əvvəlcə Mərkəzin foyesində şəhidlərin şəkillərindən ibarət sərgiyə
baxış keçiriblər. Sonra
Azərbaycan Respublikasının Dövlət Himninin səsləndirilməsi ilə başlayan tədbirdə
Vətən uğrunda canından keçən bütün şəhidlərin əziz xatirəsi bir dəqiqəlik
sükutla yad edilib.
Daha
sonra Azərbaycan və Türkiyə dövlətinin sarsılmaz dostluğunu, qardaşlığını,
"Bir millət, iki dövlət" olmasını əks etdirən videoçarx nümayiş
olunub. Tədbirdə
çıxış edənlərdən Ağstafa Regional Mədəniyyət İdarəsinin rəisi Elbəy Əli, Qazax RİH başçısı
aparatında İctimai-siyasi və humanitar məsələlər şöbəsinin baş məsləhətçisi
Sərdar Orucov, Azərbaycan Respublikası "Azərbaycan
Qarabağ Müharibəsi Əlilləri, Veteranları və Şəhid Ailələri İctimai Birliyi”nin
Qazax rayon filialının sədr müavini, kəşfiyyatçı zabit, baş leytenant, I qrup
Qarabağ müharibəsi qazisi Namiq Alıyev, ehtiyatda olan mayor, tabor komandiri, II qrup Vətən müharibəsi
qazisi Xəyyam Əliyev Zəfər
bayramı münasibətilə Azərbaycan xalqını təbrik edib, bu Zəfəri bizə yaşadan, öz
canından, qanından keçən şəhidlərimizə Allahdan rəhmət, qazilərimizə isə şəfa
diləyiblər. Tədbirin
bədii hissəsində İlkin Hacıəliyevin, Lalə Əliyevanın, Sarif Vəliyevin, Aşıq
Samir Cəlaloğlunun ifasında Azərbaycana, qazilərə, Zəfərə həsr edilmiş mahnılar
səsləndirilib. Mədəniyyət Mərkəzinin "Qönçə" rəqs qrupunun ifasında
"İgidlər" rəqsi ifa olunub. Ürkməzli kənd Sənətkarlıq evinin müdiri
şairə Gülsənəm Cəlilova "Azərbaycanam", İsmayıl Şıxlı Kosalar kənd tam
orta məktəbin təqaüdçü müəllimi Cavanşir Rüstəmov isə özünün "Şəhidlər” şeirlərini
səsləndiriblər. Vətən müharibəsi şəhidi, ölümündən sonra "Vətən uğrunda”, "Döyüşdə fərqlənməyə görə”, "Füzulinin azad olunmasına görə” medalları ilə təltif olunmuş, Ürkməzli
kənd sakini, şəhid çavuş Pənahov Elməddin
Məqsəd oğlunun övladı 3-cü sinif şagirdi İlkin Pənahov şəhidlərə həsr olunmuş
şeir söyləyib.
GOYEZEN.AZ
Facebook-da paylaş