Qazaxda 27 sentyabr - Anım Günü qeyd olunub
Ölkə
Prezidenti İlham Əliyevin 2020-ci il 2 dekabr tarixli Sərəncamına əsasən təsis
edilən, Vətən müharibəsində qəhrəmancasına döyüşmüş, ölkəmizin ərazi bütövlüyü
yolunda canlarından keçmiş əsgər və zabitlərimizə, bütün şəhidlərimizə dərin
ehtiramın ifadəsi olan 27 sentyabr - Anım Günü ölkəmizin hər yerində, eləcə də
ölkə hüdudlarından kənarda silsilə tədbirlərlə qeyd olunub. Bu
gün səhər saatlarından başlayaraq respublikamızın bütün şəhər və rayonlarında,
o cümlədən azad edilmiş ərazilərimizdə anım mərasimləri keçirilib, xalqımız
Vətən uğrunda canlarını fəda etmiş qəhrəman şəhidlərimizin xatirəsini qürurla
yad ediblər. 27
sentyabr - Anım Günü ilə əlaqədar Qazax rayonunda da anım tədbiri keçirilib. Anım tədbirində Qazax
Rayon İcra Hakimiyyətinin başçısı Rəcəb Babaşov, aparatın məsul işçiləri,
hüquq-mühafizə orqanlarının, idarə, müəssisə və təşkilatların rəhbərləri, Azərbaycan Güləş Federasiyasının I
vitse-prezidenti, Şöhrət ordenli, Tərəqqi medallı "Azərbaycan
Respublikası Prezidentinin Fəxri Diplomu" təltifli idman
ustası, Dövlət
Sərhəd Xidmətinin polkovnik-leytenantı Firdovsi Umudov, Azərbaycan Respublikası Milli Məclisinin Beynəlxalq
münasibətlər və parlamentlərarası əlaqələr komitəsinin sədri Səməd Seyidovun
köməkçisi Akif Əmirov, şəhid ailələri,
qazilər və rayon ictimaiyyətinin nümayəndələri iştirak
ediblər. Şəhərin
mərkəzində yerləşən Şəhidlər xiyabanında keçirilən anım tədbirində əvvəlcə torpaqlarımızın azadlığı uğrunda canından
keçən şəhidlərimizin ruhuna dua oxunub, əziz xatirələri yad edilib. Tədbir
iştirakçıları şəhidlərin xatirəsinə ucaldılmış memorial
önünə tər qərənfillər düzərək igid Vətən oğullarına olan ehtiramlarını
bildiriblər.
Qazax Rayon İcra
Hakimiyyətinin başçısı Rəcəb Babaşov giriş sözü ilə çıxış edərək bütün şəhidlərimizə
Allahdan rəhmət, ailələrinə səbir diləyib, qazilərimizə cansağlığı arzulayıb. İcra
başçısı bildirib ki, bütün yüksəkliklərdən ucada dayanan bir zirvə var - Şəhidlik
zirvəsi. Bu zirvəyə ucalmaq hər insana nəsib olmur. Yalnız müqəddəs amallar
uğrunda çarpışan, qorxu nə olduğunu bilməyən, Vətən və xalq yolunda canını fəda
etməkdən çəkinməyən cəsarətli, ləyaqətli insanlar bu uca zirvəyə yüksələ bilirlər.
Bu yüksəkliyə layiq olan insanlar ölmürlər, əksinə ölümləri ilə bir əbədilik
qazanırlar. Şəhid olmağı özünə şərəf bilən hər kəsin daxilində yüksək vətənpərvərlik,
tükənməz Vətən sevgisi, cəsurluq, müsbət əxlaq və böyük əqidə vardır. Qəhrəmanlıq
etmək, adının tarixin salnaməsinə yazılmasına nail olmaq Vətən sevgisindən,
torpaq məhəbbətindən irəli gəlir. Rayon rəhbəri qeyd edib ki, Ulu Öndər Heydər
Əliyev ölkəmizin bütövlüyü yolunda canından keçib Şəhidlik zirvəsinə yüksəlmiş
mərd oğullarımızın qəhrəmanlığını zaman-zaman yüksək qiymətləndirmiş, şəhidlərin
heç zaman unudulmayacağını qeyd etmişdir: "Nəsillər dəyişəcək, lakin Vətən
oğullarının xatirəsi ürəklərdə əbədi yaşayacaqdır”. İcra
başçısı bildirib ki, Vətənimizin müstəqilliyi, torpaqlarımızın azad olunması
naminə ölümü gözə alan gənclərimiz bu müqəddəs amal uğrunda şəhid olursa, bu,
xalqımızın böyüklüyüdür. Şəhid qanı axmayan torpaqdan Vətən olmaz. Bizim
xalqımız Vətəninə, torpağına bağlı qəhrəmanlar yetişdirən xalqdır. İcra başçısı vurğulayıb ki, igid oğullarımız bu qəhrəmanlığı, mübarizliyi 27
sentyabr 2020-ci ildə başlayıb 10 noyabr 2020-ci ildə düşmənin darmadağın edilməsi
ilə başa çatan İkinci Qarabağ müharibəsində gedən qanlı döyüşlər zamanı bütün
dünyaya nümayiş etdirdilər. 44 gün davam edən Vətən müharibəsinin möhtəşəm
qələbə ilə başa çatması tariximizin şanlı qürur–iftixar səhifəsidir. Azərbaycan
dövlətinin qüdrəti, Müzəffər Ali Baş Komandanın qətiyyətli siyasəti, xalqımızın
həmrəyliyi və Ordumuzun gücü sayəsində qazanılan tarixi Zəfər nəticəsində
torpaqlarımızın işğaldan azad olunması ilə 30 illik yurd həsrətimizə son
qoyuldu. Bütün dünya işğal faktı ilə barışmayacağını qətiyyətlə bəyan edən Azərbaycan
xalqının və dövlətinin iradəsini gördü. Prezident İlham Əliyevin hərb, siyasət
və diplomatiya müstəvisində uğurlu fəaliyyəti nəticəsində qüdrətli Azərbaycan
dövləti erməni faşizminin başını əzdi, düşmənin belini qırdı, təcavüzkarı
layiqincə cəzalandırdı. Vətən müharibəsi gedən günlərdə Birinci
vitse-prezident Mehriban Əliyeva sosial şəbəkələrdə paylaşdığı "Qoy uca Tanrı hər
bir Azərbaycan vətəndaşına müqəddəs Qarabağ torpağını öpməyi nəsib etsin” sözləri
ilə Azərbaycan xalqında torpaqlarımızın işğaldan tamamilə azad olunacağına, üçrəngli
bayrağımızın Şuşada dalğalanacağına sonsuz əminlik yaratdı. Qürur və iftixar
hissi ilə qeyd edə bilərik ki, Azərbaycan dövləti, Azərbaycan xalqı Vətən
müharibəsində şanlı qələbə, tarixi Zəfər qazandı. Bu möhtəşəm Qələbə xalqımızın
həmrəyliyi, milli birliyi sayəsində əldə edildi. Ölkəmizin ərazi bütövlüyü
uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə
çalışan mülki şəxslər, bütövlükdə xalqımız əzm və iradə, dözümlülük və
sarsılmaz birlik nümayiş etdirdilər. Ali Baş Komandan İlham Əliyevin ətrafında
birləşən ordu və xalq birliyi dəmir yumruğa çevrilib düşmənə sarsıdıcı zərbələr
endirdi, erməni faşizminin başını əzdi. Əldə edilən bu böyük zəfər hər bir azərbaycanlının
qürurunun təcəssümüdür. Bu Zəfərin baş memarı və bu Qələbənin baş qəhrəmanı isə
ərazi bütövlüyümüzün bərpası ilə müstəqilliyi bir daha daimi, əbədi və dönməz
edən Azərbaycanın tarixində ilk Müzəffər Ali Baş Komandan Prezident İlham
Əliyevdir. İcra
başçısı bildirib ki, İkinci Qarabağ müharibəsinin
ilk günlərindən öz vətənpərvərlikləri ilə həmişə öndə olan qazaxlı gənclər də Vətənin
səsinə səs verərək könüllü surətdə torpaqlarımızın azad olunması uğrunda gedən
müharibəyə yollanıb döyüş meydanında böyük qəhrəmanlıqlar göstərdilər. İşğal
altında olan torpaqlarımızın düşmən tapdağından qurtarılması uğrunda gedən
qanlı döyüşlərdə rayonumuzun 51 qəhrəman oğlu igidlik nümayiş etdirərək Şəhidlik
zirvəsinə yüksəldi, yüzlərlə gənc isə öz sağlamlıqlarını itirdi.
Respublika
Prezidenti İlham Əliyev şəhidlər haqqında, onların ailələrinə ünvanlanan dəyərli
fikirlər demişdir: "Şəhidlərimizin yaxınları üçün təsəlli odur ki, onlar öz
canlarını Vətən uğrunda qurban verdilər. Təsəlli odur ki, torpaqlarımız azad
olundu, ərazi bütövlüyümüz bərpa edildi. Eyni zamanda təsəlli odur ki, şəhidlərimizin
intiqamını biz döyüş meydanında aldıq. Şəhidlərimizin qanı yerdə qalmadı...” Vətən müharibəsində
qəhrəmancasına döyüşmüş, ölkəmizin ərazi bütövlüyü uğrunda canlarını qurban
vermiş əsgər və zabitlərimizə, bütün şəhidlərimizə dərin ehtiram əlaməti olaraq,
ölkə başçısının 2020-ci il 2 dekabr tarixli Sərəncamına əsasən 27 sentyabr
respublikamızda Anım Günü kimi qeyd edilir. Bu tarixi gündə şəhid ailələləri
qarşısında baş əyir, Vətənin bütövlüyü uğrunda canından keçmiş şəhidlərə Allahdan
rəhmət, ailə üzvlərinə səbir diləyirəm. Nə qədər ki, Azərbaycan var, Azərbaycan
xalqı var, şəhidlər də əbədi yaşayacaqdır. Cənab Prezidentin dediyi kimi: "Vətənin,
ölkəmizin müdafiəsi uğrunda şəhid olmuş insanların adı daim qəlbimizdədir,
onların xatirəsi bizim üçün əzizdir, onlar bizim üçün unudulmazdır”. İcra başçısı
bildirib ki, şəhidlərin davamçısı varsa, xatirələri
hər yerdə anılırsa, deməli, onlar ölməyiblər, ürəklərdə əbədi olaraq
yaşayırlar. İllər keçəcək, gələcək nəsillər şəhidləri hər zaman böyük minnətdarlıq
duyğusu ilə yad edəcəkdir. Rayon
rəhbəri ölkə Prezidenti İlham Əliyev, Birinci vitse-prezidenti Mehriban Əliyeva
tərəfindən şəhid ailələrinə, məcburi köçkün ailələrinə, Qarabağ müharibəsi əlillərinə
və veteranlarına göstərilən diqqət və qayğıdan danışıb. Ölkə rəhbəri tərəfindən
imzalanan Sərəncam və Fərmanlarda bu təbəqədən olan insanlara göstərilən
qayğının xüsusilə əks olunduğunu diqqətə çatdırıb. "Hər bir şəhid ailəsi mənim
öz ailəmdir”, - deyən icra başçısı fəaliyyətə başladığı gündən şəhdlərimizin,
onların ailələrinin daim diqqət mərkəzində saxlanıldığını qeyd edib. Şəhidlərimizə,
onların ailə üzvlərinə olan qayğının həmişə yüksək səviyyədə olduğunu bildirib.
Rayon rəhbəri fəaliyyətə başladığı ilk gündən şəhidlərimizin ailə üzvlərinə
daim qayğı ilə yanaşdığını, şəhidlərimizin uyuduğu qəbiristanlıqların, onların
xatirəsinə ucaldılmış abidələrin, parkların, bulaqların, xiyabanların
abadlaşdırılmasını, yenilənməsini, əsaslı şəkildə təmir edilməsini, şəhərin mərkəzində
yerləşən Şəhidlər xiyabanında aparılan abadlıq işlərini, ən əsası da şəhidlərimizin
adı və şəkli əks olunmuş lövhənin vurulmasını bu istiqamətdə görülən işlərin
bariz nümunəsi olaraq göstərib. İcra
başçısı rayonda bütün şəhidlərimiz kimi, Vətən müharibəsi şəhidlərinin də
adlarının əbədiləşdirilməsi istiqamətində məqsədyönlü işlər görüldüyünü
bildirib. Qazax Rayon İcra Hakimiyyətinin təşəbbüsü və dəstəyi ilə "Göyəzən”
qəzetinin baş redaktoru, şair-publisist Elçin İsmayıl tərəfindən yazılmış "Qanları ilə dastan
yazanlar" kitabını, Qazax Tarix-Diyarşünaslıq Muzeyində 338
nəfər şəhidin şəkillərindən ibarət guşənin yaradılmasını bu sahədə atılan
nümunəvi addımlardan biri kimi söyləyib. Şəhərin mərkəzində yerləşən Şəhidlər
xiyabanında Vətən müharibəsi şəhidlərinin şəkli əks olunmuş lövhələrin
vurulduğunu, bundan əlavə, şəhərin N.Nərimanov küçəsində xatirələrini əbədiləşdirən
Abidə Kompleksinin inşa olunduğunu qeyd edib.
Vətən
müharibəsi iştirakçısı, 3-cü dərəcəli "Rəşadət”
ordeni, "Füzulinin azad
olunmasına görə” medalı ilə təltif olunmuş qazi kapitan, Qazax RİH başçısı aparatında Vətən müharibəsi iştirakçıları və şəhid ailələri ilə işin təşkili şöbəsinin
müdiri Samir Çobanov çıxış edərək bir qazi kimi
dövlətimiz, ölkə başçısı və Birinci vitse-prezident tərəfindən şəhid ailələrinə,
qazilərə göstərilən yüksək dövlət qayğısına görə minnətdarlığını bildirib. Ölkə
başçısının şəhidlərimizin ailələrinə, qazilərimizə göstərdiyi qayğının Qazaxda
da olduğu kimi, hiss olunmasını, rayon rəhbərliyi tərəfindən davam etdirilməsini
razılıq hissi ilə qarşılayıb. "Bugünkü tarixi Qələbəmizi şəhidlərimizə və
qazilərimizə borcluyuq”, - deyən S.Çobanov bütün şəhidlərimizlə fəxr etdiyini,
qürur duyduğunu dilə gətirib.
Azərbaycan
Respublikası Səfərbərlik və Hərbi Xidmətə Çağırış üzrə Dövlət Xidməti Qazax
rayon şöbəsinin rəisi Tural Məmmədov çıxış
edərək 2020-ci ilin xalqımız üçün yaddaqalan bir il olduğunu, həmin ildə hərb
tariximizə şanlı Qələbənin yazıldığını qeyd edib. 27 sentyabrda başlayan Vətən
müharibəsində respublikamızın hər yerindən olduğu kimi, Qazaxdan da minlərlə gəncin
könüllü olaraq Azərbaycan Silahlı Qüvvələri sıralarına yazıldığını bildirib.
Döyüş meydanında onların əsl qəhrəmanlıq nümunəsi göstərdiklərini dilə gətirib.
Azərbaycan
Yazıçılar Birliyi Qazax zona filialının sədri, Əməkdar incəsənət xadimi, şair
Barat Vüsal tədbirdə
çıxış edərək Prezident, Ali Baş Komandan İlham Əliyevin rəhbərliyi altında
Ordumuzun göstərdiyi tarixi qəhrəmanlıqdan söz açıb. Azərbaycan xalqının qeyrətli
oğullarının müstəqil dövlətimizin ərazi bütövlüyü uğrunda mübarizə apardığını,
bu qəhrəmanlığın Azərbaycanın hərb tarixinə qızıl hərflərlə həkk olunduğunu
qeyd edib. Bu gün Qarabağda, Şuşada həyatın yenidən canlandığını, işğaldan azad
olunmuş torpaqlarda aparılan quruculuq işləri ilə həmin torpaqlara yeni nəfəs gəldiyini,
Şuşada açılan səhərlərin bu gün daha fərqli olduğunu diqqətə çatdırıb. "Bütün şəhidlərimizin
ruhu qarşısında baş əyirəm”, - deyən şair igid Vətən oğullarına həsr etdiyi
şeiri ilə əziz xatirələrini ehtiramla anıb. Şəhid ailəsi, Azərbaycan Respublikası Milli Qəhrəmanlarını Tanıtma” İctimai Birliyi Qazax rayon şöbəsinin sədri Kifayət Mustafayeva çıxış edərək şəhid ailəsi olaraq hər zaman dövlətin, ölkə başçısının,
Birinci vitse-prezidentin, rayon rəhbərliyinin qayğısını hiss etdiyini bildirib. Qazaxda
şəhidlərə, onların ailələrinə verdiyi yüksək dəyərə görə ölkə başçısına,
Birinci vitse-prezidentə və rayon rəhbərliyinə şəhid ailələri adından
təşəkkürünü çatdırıb. Bütün şəhidlərimizin ruhunun rahatlıq tapdığını, qisaslarının
alındığını qeyd edib. Vətən müharibəsi şəhidi gizir Sərxan Abdullayevin atası Elxan
Abdullayev Anım Günündə çıxış etməyin onun
üçün nə qədər çətin olsa da, bir o qədər də şərəfli olduğunu bildirib. "Bu gün
bizlər övladsız qalsaq da, Vətənimiz bütöv oldu. 44 gün davam edən müharibədə xalqımızın
birliyi, ordumuzun gücü, Ali Baş Komandanın qətiyyəti sayəsində biz Qələbə
qazandıq”, - deyən şəhid atası bu Qələbəmizin daimi, əbədi olduğunu söyləyib. "Ölkə
Prezidenti hər zaman qeyd edir ki, mən hər bir şəhid ailəsinin üzvüyəm. Biz
şəhid ailələri ötən bir il ərzində hər an dövlətin, ölkə başçısının və rayon
rəhbərliyinin qayğısını hiss etmişik, sözdə deyilənlərin əməldə də şahidi
olmuşuq”, - deyən şəhid atası onlara göstərilən qayğıya görə bütün şəhid
ailələri adından minnətdarlığını bildirib.
Vətən
müharibəsi şəhidi kapitan Rövşən Pənahovun atası Mahmud Pənahov da çıxışında
şəhid ailələrinə göstərilən dövlət qayğısından razılığını bildirib. "Bizim
övladlarımız torpaq alıb şəhid olublar, bu gün biz onlarla fəxr edir, qürur
duyuruq”, - deyən şəhid atası bütün şəhidlərimizə Allahdan rəhmət diləyib,
qazilərimizə tez zamanda sağlamlıqlarına qovuşmalarını arzulayıb. Sonda məktəblilər şəhidlərimizə həsr olunmuş şeirlər səsləndiriblər.
Saqif Nəsirov adına Ürkməzli kənd tam orta məktəbin 10-cu sinif şagirdi Aysel
Vələdova, Səməd Vurğun adına
Qazax şəhər 2 nömrəli tam orta məktəbin 7-ci sinif şagirdiNərmin Tatlıyeva, 9-cu sinif şagirdi Nuray Musalı, eləcə də
şəhidlərimizin övladları qəhrəman oğullarımıza həsr olunmuş şeirlərlə onlara
olan ehtiramlarını bildiriblər.
Facebook-da paylaş