Qazaxda marketlərdə ərzaq məhsulları kifayət qədərdir
Cənab Prezident İlham
Əliyevin rəhbərliyi altında Nazirlər Kabineti yanında Operativ Qərargah
tərəfindən Ümumdünya Səhiyyə Təşkilatının tələb və tövsiyələrinə uyğun olaraq ölkəmizdə koronavirus (COVID-19) infeksiyasının yayılmasının
qarşısının alınması istiqamətində bu gün də zəruri tədbirlər görülür. Azərbaycan Respublikasının
ərazisində xüsusi karantin rejiminin müddətinin uzadılması və həmin rejimlə
əlaqədar tətbiq edilən bəzi məhdudiyyətlərin aradan qaldırılması barədə Azərbaycan
Respublikasının Baş Naziri Əli Əsədovun 29 may 2020-ci il tarixli
190 nömrəli Qərarı ilə koronavirus (COVID-19) infeksiyasının ölkə
ərazisində yayılmasının, onun törədə biləcəyi fəsadların qarşısının alınması
məqsədilə Azərbaycan Respublikasının ərazisində xüsusi karantin rejiminin
müddəti növbəti dəfə 2020-ci il 15 iyun saat 00:00-dək uzadılıb. Respublikamızda
pandemiya ilə əlaqədar həyata keçirilən təxirəsalınmaz tədbirlərdən biri də vətəndaşların
ərzaq məhsullarına olan tələbatlarının ödənilməsidir. Bu baxımdan istər
supermarket və mağazaların, istərsə də topdansatış mərkəzlərinin ərzaq məhsulları
ilə təmin olunması sahəsində də məqsədyönlü işlər görülür. Əhalinin ərzağa olan
tələbatı tam təmin olunur. Ölkəmizin hər
yerində olduğu kimi, Qazaxda da vətəndaşların
ərzaq məhsulları ilə təmin olunması üçün market və mağazalarda kifayət qədər ərzaq
təminatı vardır. Bu gün "Əsədoğlu”
marketlər şəbəkəsinin Qazax filialında olan mövcud vəziyyət də bunu bir daha sübut
edir. Marketin
inzibatçısı Əfsanə Sanıyeva hazırda "Əsədoğlu” marketdə kifayət qədər ərzaq məhsulunun
olduğunu bildirib. Marketdə rəflərdə olan ərzaq məhsulu ilə yanaşı, anbarda da qida
və qeyri-qida məhsulları ehtiyatının tədarük olunduğunu qeyd edib. Bundan əlavə,
xüsusi karantin rejimi müddətində bütün sanitar-gigiyena qaydalarına ciddi şəkildə əməl
olunduğunu, ilk gündən istər satıcıların, istərsə də marketə gələn alıcıların
tibbi maskadan istifadəsinə nəzarət olunduğunu vurğulayıb. Bunun üçün alıcılara
marketin girişində tibbi maskalar, əlcəklər verildiyini və əllərin spirtlə
dezinfeksiya olunduğunu bildirib.
GOYEZEN.AZ
Facebook-da paylaş