İcra başçısı Daş Salahlı kəndində baramanın mövcud vəziyyəti ilə maraqlanıb
"Azərbaycan
Respublikasında baramaçılığın və ipəkçiliyin inkişafına dair 2018–2025-ci illər
üçün Dövlət Proqramı”nın təsdiq edilməsi haqqında Respublika Prezidenti
İlham Əliyevin 27 noyabr 2017-ci il tarixli
Sərəncamı ölkəmizin hər yerində olduğu kimi Qazaxda da uğurla yerinə yetirilir.
Baramaçılığın inkişaf etdirilməsi baxımından böyük əhəmiyyət kəsb edən bu
Sərəncam bölgələrdə kümçülər üçün geniş imkanlar açır. Son 3 ildə rayonda bu
sahədə olan inkişafı ildən-ilə artan məhsulun miqdarından da görmək olar. 2016-cı
ildə 1502 kq yaş barama təhvil verən qazaxlı kümçülər 2017-ci ildə bu rəqəmi
4623 kq-a çatdırıblar. 2018-ci ildə 6260 kq yaş barama istehsal olunaraq
"Azəripək” ASC-yə təhvil verilib. Cari ildə isə kümçülər
tərəfindən 8 ton yaş baramanın istehsalı nəzərdə tutulub.
Bu gün Qazax Rayon İcra
Hakimiyyətinin başçısı Rəcəb Babaşov rayonun Daş Salahlı kəndində olub baramanın
mövcud vəziyyəti ilə maraqlanıb.
Rayon rəhbərinə bildirilib
ki, digər kəndlərdə olduğu kimi, Daş Salahlı kümçüləri də baramanın
tədarükünə başlayıblar. Çəkdikləri zəhmətin bəhrəsini götürən kümçülər bu günə
kimi 85 kq baramanı Qazax Dövlət Aqrar İnkişaf Mərkəzində "Azəripək”
ASC-nin nümayəndəsinə təhvil verdiklərini qeyd ediblər.
Məlumat üçün qeyd edək ki, ümumi
rayon üzrə bu günə kimi 2 tondan artıq barama tədarük olunub.
Mövcud vəziyyətlə yerində tanış olan icra başçısı bəzi tapşırıq və
tövsiyələrini də verib.
GOYEZEN.AZ
Facebook-da paylaş