Əhalinin məşğulluğunun artırılması məqsədilə yaradılmış komissiya üzvləri ilə şəffaflıqla bağlı görüş keçirilib
Bu gün ölkə Prezidenti İlham Əliyevin rəhbərliyi altında respublikamızın
sosial-iqtisadi inkişafı sahəsində əldə olunmuş naliyyətlər hər bir Azərbaycan
vətəndaşına yaxşı məlumdur. Azərbaycanda iqtisadiyyatın inkişafının
təməlində isə əsası ulu öndər Heydər Əliyev tərəfindən qoyulmuş və bu gün ölkə
başçısı İlham Əliyev tərəfindən müvəffəqiyyətlə davam və inkişaf etdirilən
uzaqgörən iqtisadi siyasət, ən əsası dövlət başçısının apardığı islahatlar
dayanır. Bu gün sevindirici haldır ki, ölkəmizin
regionlarında, şəhər və qəsəbələrində həyata keçirilən tikinti-quruculuq,
abadlıq işləri Qazax rayonunun simasında da aydın nəzərə çarpır. Rayon bu gün
respublikanın ümumi inkişafına öz layiqli töhfəsini verir. Reallaşan
irimiqyaslı layihələr Qazaxın sosial-iqtisadi inkişafına müsbət təsir göstərməklə, əhalinin yaşayış
səviyyəsinin yüksəlməsini təmin edir və bu işlər sakinlər tərəfindən böyük
rəğbətlə qarşılanır. Ölkə başçısının uğurla həyata keçirdiyi məqsədyönlü işlərdən biri də
vətəndaşların rifah halının yaxşılaşdırılması istiqamətində atdığı uğurlu
addımlardır. Respublika Prezidenti İlham Əlieyvin tapşırığına əsasən bölgələrdə
əhalinin məşğulluğunun artırılması məqsədilə yaradılmış müvəqqəti iş yerləri də
bu istiqamətdə görülən işlərin ən bariz nümunəsdir. Təqdirəlayiq haldır ki,
Qazaxda yaşayan rayon sakinləri də dövlət başçısının onlar üçün yaratmış olduğu
imkanlardan bəhrələnə bilirlər. Ötən illərdə olduğu kimi, bu il də rayon
sakinləri müvəqqəti iş yerləri ilə təmin olunacaqlar. Bu gün rayonda əhalinin məşğulluğunun artırılması məqsədilə
yaradılmış müvəqqəti iş yerlərinə işçi qəbulu, əmək haqlarının ödənişi
qaydalarının icrası və ümumilikdə işin təşkilində neqativ hallara yol
verilməməsi məqsədilə yaradılmış komissiya üzvləri ilə görüş keçirilib. Qazax Rayon İcra Hakimiyyətində hüquq-mühafizə orqanları
rəhbərlərinin, komissiya üzvlərinin iştirakı ilə keçirilən görüşdə bu sahədə şəffaflığın
təmin olunması istiqamətində görülən işlərdən söhbət açılıb. Qazax Rayon İcra Hakimiyyətinin başçısı Rəcəb Babaşov ölkə başçısı
İlham Əliyevin tapşırığına əsasən rayon ərazisində əhalinin məşğulluğunun
artrılması məqsədilə yaradılmış müvəqqəti iş yerlərinə görə ölkə başçısına rayon
ictimaiyyəti adından minnətdarlığını bildirib. Əhalinin maddi rifah halının
yaxşılaşdırılmasına yönəlmiş bu layihənin respublikamızın hər yerində olduğu
kimi, Qazaxda da böyük rəğbət hissi ilə qarşılandığını qeyd edib. Rayon rəhbəri
bildirib ki, ölkə başçısının tapşırığına əsasən rayonda müvəqqəti iş yerləri
ilə bağlı xüsusi komissiyanın yaradılmasında əsas məqsəd bu sahədə olan
şəffaflığı təmin etmək, görülən işləri ölkə rəhbərinin istəyinə uyğun olaraq
həyata keçirməkdir. Sonra komissiya üzvləri ilə bu sahədə görülməsi nəzərdə tutulan işlər
müzakirə olunub. Komissiya üzvlərinə müvəqqəti iş yerləri açılmış qurumlarda
işlərin yüksək səviyyədə təşkil olunması, nizam-intizam qaydalarına əməl
edilməsi, bütün təxirəsalınmaz tədbirlərin görülməsi, ən əsası da şəffaflığın
təmin olunması ilə bağlı tapşırıqlar verilib. Sonda bu sahədə görüləcək işlər
müazirə edildikdən sonra komissiya üzvləri tərəfindən qərar qəbul olunub. GOYEZEN.AZ
Facebook-da paylaş