Qazax rayonu hesabat verib
2018-ci ilin sosial-iqtisadi
inkişafının yekunlarına və 2019-cu
ildə qarşıda duran vəzifələrə dair hesabat yığıncağı keçirilib Yanvarın
11-də Azərbaycan Respublikasının Prezidenti İlham Əliyevin sədrliyi ilə
Nazirlər Kabinetinin 2018-ci ilin sosial-iqtisadi inkişafının yekunlarına və
qarşıda duran vəzifələrə həsr olunan iclası keçirilib. Bununla
əlaqədar bu gün Qazax rayonunda 2018-ci ilin sosial-iqtisadi inkişafının
yekunlarına və qarşıda duran vəzifələrə həsr olunmuş hesabat yığıncağı
keçirilib. Yığıncaqda
Azərbaycan Respublikası Prezidenti Administrasiyasının məsul işçisi Orxan
Mürsəlov, icra
aparatının məsul işçiləri, hüquq-mühafizə orqanlarının, idarə, müəssisə və
təşkilatların rəhbərləri, təhsil, səhiyyə, mədəniyyət işçiləri, RİHB-nin kənd
İnzibati Ərazi Dairələri üzrə nümayəndələri, bələdiyyə sədrləri, şəhid
ailələri, Qarabağ müharibəsi əlilləri, sahibkarlar, KİV nümayəndələri iştirak
ediblər. Tədbir
iştirakçıları əvvəlcə ulu öndər Heydər Əliyevin abidəsi önünə gül dəstələri
qoyub, ümummilli liderin əziz xatirəsini ehtiramla yad ediblər. Sonra
qonaqlar Gənclər Mərkəzinin foyesində hazırlanmış sərgi ilə tanış olublar.
Sərgidə Qazax rayonunda istehsal olunan kənd təsərrüfatı və sənaye məhsulları, eləcə də rayonda aparılan quruculuq işlərini özündə əks etdirən fotostend nümayiş olunub. Qazax
Rayon İcra Hakimiyyətinin başçısı Rəcəb Babaşov yığıncağı giriş sözü ilə açaraq
qonaqları və tədbir iştirakçılarını salamlayıb. Katiblər
seçildikdən sonra gündəlikdə duran məsələlər səslənib.
Sonra
icra başçısı 2018-ci ilin sosial-iqtisadi inkişafının yekunlarına və 2019-cu
ildə qarşıda duran vəzifələrə həsr olunmuş geniş hesabat məruzəsi ilə çıxış
edərək ölkəmizdə, eləcə də Qazax rayonunda 2018-ci ildə qazanılmış uğur və
nailiyyətlərdən, görülmüş tikinti-quruculuq işlərindən söz açıb. Görülən işlər barədə
ətraflı məlumat verərək qeyd edib ki, hesabat ilində bütün sahələr üzrə uğurlu
nəticələr əldə olunmuşdur. Dövlət Proqramında qarşıya qoyulmuş bütün vəzifələr yerinə
yetirilmişdir. Tikinti-quruculuq işləri ilə yanaşı, kənd təsərrüfatı sahəsində
görülən işlərə diqqət çəkən icra başçısı Respublika Prezidenti İlham Əliyevin
bu sahə ilə bağlı irəli sürdüyü tapşırıqların yerinə yetirildiyini qeyd edib. Prezident
İlham Əliyevin apardığı quruculuq siyasətinin Qazaxda olduğu kimi həyata keçirilməsini
qeyd edən rayon rəhbəri rayonumuzda bütün sahələrin inkişaf etdiyini, uğurlu
göstəricilərin əldə edildiyini bildirib. Qeyd edib ki, rayonda genişmiqyaslı
quruculuq işləri aparılıb, yeni iş yerlərinin yaradılması ilə bağlı çox ciddi
tədbirlər görülüb. İcra başçısı
son iki il yarımda Qazaxda aparılan abadlıq və quruculuq işlərini müqayisə
edərək bildirib ki, bu gün tam əminliklə deyə bilərik ki, rayonumuz 2018-ci
ildə bir çox uğurlara imza atıb. Bunu rayonda inşa olunan sosial
obyektlərin sayı, kənd təsərrüfatının ildən-ilə inkişaf etməsi, əkin
sahələrinin artırılması, təhsil, səhiyyə, mədəniyyət, idman, eləcə də digər
sahələrdə əldə etdiyimiz nailiyyətlərdən də görmək olar.
"Azərbaycan
Respublikası regionlarının 2019–2023-cü illərdə sosial-iqtisadi inkişafı Dövlət
Proqramı”nın təsdiq edilməsi haqqında Respublika Prezidenti İlham Əliyevin
29 yanvar 2019-cu il tarixli Fərmanından söz açan icra başçısı bildirib ki,
həmin dövlət proqramı Azərbaycanın növbəti 5 il ərzində daha böyük uğurlara
imza atacağından xəbər verir. Vətəndaşların rifah halının, yaşayış şəraitinin
yaxşılaşdırılmasına xidmət edən dövlət proqramının qəbul olunmasını yüksək
qiymətləndirən icra başçısı həmin proqrama əsasən 2019-cu ildə də genişmiqyaslı
işlərin görüləcəyini diqqətə çatdırıb.
Sonra rayon Maliyyə İdarəsinin rəisi Novruz Abdullayev, ƏƏSMN yanında DSMF-nun Qazax rayon şöbəsinin rəisi Laçın Qurbanov, rayon Təhsil şöbəsinin müdiri Nizaməddin Babanlı, Qazax Dövlət Aqrar İnkişaf Mərkəzinin direktoru Həmid Pənahov məruzə ətrafında çıxış edərək hesabat ilində rəhbərlik etdikləri sahələrdə görülmüş işlərdən söz açıblar. Ölkə başçısının əhalinin maddi rifah halının yaxşılaşdırılması, bölgələrimizdə təhsil, səhiyyə, mədəniyyət, idman və eləcə də digər sahələrin inkişaf etdirilməsi istiqamətində görülən işləri yüksək qiymətləndiriblər. Kənd təsərrüfatı üzrə sahibkar Nüsrət Aşurov çıxış edərək ölkə başçısı İlham Əliyev tərəfindən kənd təsərrüfatı sahəsinə, sahibkarlara göstərilən diqqət və qayğıdan danışıb. Bildirib ki, bu gün dövlətin sahibkarlara, iş adamlarına verdiyi dəstək sayəsində bölgələrimizdə kənd təsərrüfatı ildən-ilə inkişaf edir. Yeni iş yerlərinin yaradılması baxımından böyük əhəmiyyət kəsb edir. Sahibkar onlar üçün yaradılan münbit şəraitə görə ölkə başçısına rayonda fəaliyyət göstərən sahibkarlar adından minnətdarlığını bildirib. Hesabat
yığıncağında çıxış edən şəhid ailələrindən - Milli Qəhrəman atası Hüseyn Musayev, şəhid anası Tamella
Süleymanova, şəhid həyat yoldaşı Kifayət Mustafayeva çıxış edərək şəhidlərimizə,
onların ailə üzvlərinə göstərilən diqqət və qayğıdan söz açıblar. Qeyd ediblər
ki, ölkə başçımız həmişə olduğu kimi yenə də öz humanistliyini bir daha
göstərdi və şəhidlərimizin ailə üzvlərinə veriləcək birdəfəlik müavinət hər
kəsə şamil olundu. Bundan əlavə, ölkə başçımız tərəfindən imzalanan Sərəncam və
Fərmanlar bir daha onu göstərdi ki, dövlətimiz, dövlət başçımız şəhidlərimizə
hər zaman yüksək qiymət verir. Buna görə də biz şəhid ailələri bizlərə verilən
bu yüksək dəyərə, ən əsası da şəhidlərimizə olan sonsuz hörmət və ehtirama görə
Respublika Prezidenti İlham Əliyevə bütün şəhid ailələri adından dərin
minnətdarlığımızı bildiririk. Biz şəhid ailələrinə həmişə səmimi münasibət
göstərdiyinə görə rayon rəhbərinə təşəkkür edirik.
Məzəm
kənd sakini Süleyman Süleymanov, Çaylı kənd sakini Qəzənfər Qocayev, Yuxarı
Salahlı kənd sakini Abdulla Məmmədov, ağsaqqallardan – Cəfərli kənd sakini
Sabir Vəliyev, Yuxarı Əskipara kənd sakini Nüsrəddin Hacıyev, şəhər
sakinlərindən - M.Hüseyn adına məktəb-liseyin direktor müavini Rəhim Muradov, şəhər
1 nömrəli tam orta məktəbin müəllimi Hürü Vəliyeva və başqaları çıxış edərək
2018-ci ildə Qazaxda həyata keçirilən tikinti-quruculuq işlərinə görə ölkə başçısına
minnətdarlıq ediblər. Şəhid ailələrinə, Qarabağ müharibəsi əlillərinə və
veteranlarına, məcburi köçkün ailələrinə, sərhəddə yaşayan sakinlərə göstərdiyi
yüksək diqqət və qayğıya görə Respublika Prezidenti İlham Əliyevə sonsuz
təşəkkürlərini çatdırıblar. Dövlət başçısının siyasətini Qazaxda olduğu kimi
icra etdiyinə görə Qazax Rayon İcra Hakimiyyətinin başçısı Rəcəb Babaşova razılıqlarını
ifadə ediblər. Minnətdarlıq
dolu ürək sözlərini çatdıran sakinlər bir sıra təkliflərini də bildiriblər. Şəhid ailələri və məcburi köçkünlər üçün
yeni binaların tikilməsini, Kür çayının sağ sahili boyu sahilbərkitmə
işlərinin davam etdirilməsinə kömək göstərilməsini qeyd ediblər. Azərbaycan Respublikası Prezidenti Administrasiyasının məsul işçisi Orxan Mürsəlov hesabat yığıncağında çıxış
edərək Prezident İlham Əliyevin rəhbərliyi altında respublikamızda həyata
keçirilən genişmiqyaslı layihələrdən söz açıb. "Regionların sosial-iqtisadi
inkişafı Dövlət Proqramı”nın Qazax rayonunda uğurla həyata keçirildiyini qeyd
edib. Bildirib ki, bu gün rayonun inkişaf etdiyini hesabat məruzəsində əksini
tapan statistik rəqəmlərdən, qazanılan uğur və nailiyyətlərdən, əldə olunan
göstəricilərdən aydın şəkildə gördük. Bütün bunlar isə rayon rəhbərliyi
tərəfindən Respublika Prezidenti İlham Əliyevin tapşırıq və tövsiyələrinin
yerlərdə necə icra olunmasının bariz nümunəsidir. Respublikamızda, eləcə də
bölgələrimizdə aparılan quruculuq işlərindən, həyata keçirilən çoxsaylı
layihələrdən söz açan administrasiya nümayəndəsi qeyd edib ki, bütün bu işlər
ölkə başçısının məqsədyönlü siyasətinin uğurla icra olunması sayəsində mümkün
olmuşdur. Bu gün dünya dövlətlərində müharibələrin baş verdiyi bir dövrdə
Azərbaycan gündən-günə inkişaf edir və öz inkişafını bütün dünyaya sübut edir.
Yüksək səviyyəli, mötəbər yarışlara ev sahibliyi etməklə Azərbaycan güclü
dövlət olduğunu bir daha nümayiş etdirir. Şəhid
ailələrinə, Qarabağ müharibəsi əlillərinə və veteranlarına, məcburi köçkün
ailələrinə göstərilən dövlət qayğısından söz açan administrasiya nümayəndəsi bu
qayğının bundan sonra da yüksək səviyyədə olacağını qeyd edib. Bildirib ki, ölkə
başçısının son günlər şəhid ailələri ilə bağlı verdiyi Sərəncamlar bu qayğını
əyani şəkildə göstərdi. Natiq çıxışı zamanı həyata keçirilən sosial layihələr əsasında məcburi
köçkünlərin, müharibə əlilləri və veteranlarının, şəhid ailələrinin mənzil
şəraitinin yaxşılaşdırılması istiqamətində görülən bütün işlərin təməlində ölkə
başçısının öz vətəndaşına olan qayğısının dayandığını vurğulayıb. Bu gün Azərbaycan
brendi olan və bütün dünyada tanınan "ASAN xidmət" mərkəzlərində
vətəndaşlar üçün hər cür şərait yaradıldığını qeyd edən natiq belə mərkəzlərin
sayının bundan sonra da artırılacağını bildirib.
Ölkəmizdə,
eləcə də bölgələrimizdə elm, təhsil, səhiyyə, mədəniyyət, idman, eləcə də digər
sahələrdə uğurlu nəticələrin əldə olunduğunu qeyd edən natiq ölkə başçısı
tərəfindən bu sahədə imzalanan çoxsaylı Sərəncamlardan da söz açıb. Qazaxın hər
zaman ziyalılar yurdu kimi tanındığını qeyd edərək ölkə başçısının Qazax
müəllimlər seminariyasının 100 illik yubileyinin qeyd olunması ilə bağlı 3
noyabr 2018-ci il tarixli, Azərbaycan ədəbiyyatının görkəmli
nümayəndəsi, istedadlı nasir, tanınmış ədəbiyyatşünas, pedaqoq və ictimai
xadim, Xalq yazıçısı İsmayıl Şıxlının anadan olmasının 100 illiyi ilə bağlı 28
yanvar 2019-cu il tarixli Sərəncamlarını Qazax ziyalılarına verilən ən yüksək
dəyər kimi qiymətləndirib. Azərbaycan Respublikasında 2019-cu ilin "Nəsimi ili”
elan edilməsi haqqında Azərbaycan Respublikası Prezidentinin 11 yanvar 2019-cu
il tarixli Sərəncamını isə Azərbaycan xalqının çoxəsrlik ənənələrə malik
bədii və fəlsəfi fikrində dərin iz qoymuş mütəfəkkir şair İmadəddin Nəsiminin
zəngin irsinə verilən qiymətlə yanaşı, dövlətin, dövlət başçısının tarixi
keçmişinə necə sahib çıxmasının bariz nümunəsi olduğunu bildirib. Hesabat
yığıncağında rayonun sosial-iqtisadi inkişafında fəal iştirak etdiklərinə və
əmək funksiyalarını yüksək peşəkarlıq səviyyəsində yerinə yetirdiklərinə görə 9
nəfər Rayon İcra Hakimiyyəti başçısının Fəxri Fərmanı ilə təltif olunublar. Sonda
iclasın qərar layihəsi oxunub və Respublika Prezidenti İlham Əliyevə tədbir
iştirakçıları adından müraciət qəbul olunub. Qazax
Rayon İcra Hakimiyyətinin başçısı Rəcəb Babaşov hesabat yığıncağına yekun
vuraraq bildirib ki, bu gün respublikamızın bütün bölgələri, o cümlədən də
Qazax rayonu ildən-ilə inkişaf edir. Ölkə başçısının bizlərə göstərdiyi yol
xəritəsi ilə uğurlu addımlarla parlaq gələcəyə doğru irəliləyirik. Ən əsası da
dövlət başçısının vətəndaşlara olan münasibətini əldə rəhbər tutaraq bütün
işlərimizi siz rayon sakinlərinin rifah halının yaxşılaşdırılması istiqamətində
qurmağa çalışırıq. İcra başçısı qeyd edib ki, 2018-ci il uğurlu bir il olduğu
kimi, 2019-cu il də bizim üçün görülən işlərin miqyasına görə daha əlamətdar
olacaqdır. Bunun üçün ölkə başçısının ətrafında daha sıx birləşməli və var
qüvvəmizlə çalışaraq Azərbaycanın çiçəklənməsi naminə öz töhfəmizi verməliyik.
Bu yolda hər birinizə uğurlar arzulayıram. Qeyd: Qazax Rayon İcra
Hakimiyyətinin başçısı Rəcəb Babaşovun 2018-ci ilin sosial-iqtisadi inkişafının
yekunlarına və 2019-cu ildə qarşıda duran vəzifələrə dair hesabat məruzəsi tam variantda
dərc olunacaqdır. GOYEZEN.AZ
Facebook-da paylaş