Qazaxda yaradılan "Gedik-Carçı” Elektrod Zavodu yeni istehsal müəssisələrindəndir
Bu gün
sevindirici haldır ki, ölkəmizdə dövlət başçısı İlham Əliyevin tapşırıq və
tövsiyələrinə uyğun olaraq bütün sahələrdə olduğu kimi, yeni sənaye
müəssisələrinin yaradılması istiqamətində də məqsədyönlü işlər görülür. Son
illər bu sahədə əldə olunan nailiyyətlərin sayı gündən-günə artmaqda davam
edir. Paytaxtla yanaşı, bütün bölgələrimizdə də bu sahənin inkişafına xüsusi maraq
göstərilir.
Respublikamızın
hər yerində olduğu kimi, Qazaxda da bu sahənin inkişafı daim diqqət
mərkəzindədir. Rayonda yaradılan yeni sənaye müəssisələrinin sayının ildən-ilə
artması bunu söyləməyə əsas verir.
Qazaxda "Gedik
Carçı Qaynaq” LTD şirkəti tərəfindən inşa edilən "Gedik-Carçı”
Elektrod Zavodu da yaradılan yeni istehsal müəssisələrindəndir. Xanlıqlar kəndi
ərazisində tikilən bu yeni zavod ölkə sənayesinin inkişafı ilə yanaşı,
rayonda yeni iş yerlərinin yaradılması baxımından da böyük əhəmiyyət kəsb
edir.
Bu gün Qazax Rayon İcra Hakimiyyətinin başçısı Rəcəb Babaşov zavoda baş
çəkib, görülən son tamamlanma işləri ilə tanış olub.
Rayon rəhbərinə
məlumat verilib ki, 1,5 hektar sahəni əhatə edən zavodda əsas işlər başa çatıb.
Məhsul istehsal ediləcək 2400 kvadratmetrlik örtülü sahə istehsala tam
hazırdır. Qeyd olunub ki,
Türkiyədən olan yüksək ixtisaslı mütəxəssislərin iştirakı ilə zavodda lazım
olan əsas avadanlıqlar quraşdırılıb və bu iş davam edir.
İcra başçısına zavoda
gətirilən avadanlıqlar və quraşdırılma mexanizmi barədə məlumat verilib. Bundan
əlavə, bütün avadanlıqların keyfiyyətinə üstünlük verildiyi qeyd edilib.
Avadanlıqlarla
yaxından tanış olan rayon rəhbəri işlərin sürətləndirilməsini bildirib, bəzi
tapşırıq və tövsiyələrini verib. GOYEZEN.AZ
Bundan başqa, ofis binası da lazım olan avadanlıqlarla təmin edilib. Zavodun
həyətində abadlıq işləri aparılıb. Tikinti işləri ilə yanaşı, ərazinin ətrafı
tamamilə yaşıllaşdırılıb, müxtəlif növ ağaclar və gül kolları əkilib.
Facebook-da paylaş