Vətəndaşlar fərdi şəkildə qəbul edilib
Qazaxda ölkə başçısının tapşırıq və tövsiyələrinə uyğun olaraq bütün
sahələrdə olduğu kimi, vətəndaşlara göstərilən xidmət sahəsi də daim diqqət
mərkəzində saxlanılır. Qazax Rayon İcra Hakimiyyətinin başçısı Rəcəb Babaşov rəhbər
kimi təyin olunduğu ilk gündən vətəndaş amilini fəaliyyətinin əsas hissəsi
hesab edir. Son iki il yarımda icra başçısının əhali ilə sıx ünsiyyətdə
olması, onları fərdi şəkildə qəbul etməsi, problem və qayğıları ilə
maraqlanması bunun əyani sübutudur.
İcra başçısı bu
gün də bir qrup rayon sakinini ərizələrinə əsasən fərdi şəkildə qəbul edib,
müraciətlərini dinləyib.
Çaylı kənd
sakini Məsmalıyeva Sürayyə Nüsrəddin qızı nəvəsinin ev tikintisinə köməklik
olunmasını bildirib. Vətəndaşa yoldaşının I qrup Qarabağ müharibəsi əlili
olduğu üçün ev növbəsində qeydiyyatda olması və tikinti başlayan zaman nəzərə
alınacağı qeyd olunub.
Şəhər sakini
Bayramova Niyar Məhəmməd qızı torpaq sahəsi ilə təmin olunması barədə müraciət
edib. Vətəndaşa bildirilib ki, dövlət rüsumunu ödəyərək torpaq sahəsi əldə edə
bilər.
Bağanıs Ayrım
kənd sakini Poladova Dilqəm Mahmud qızı sığınacaqla təmin olunmasını xahiş
edib. Vətəndaşı diqqətlə dinləyən rayon rəhbəri boş yer yaranan zaman
baxılacağını bildirib.
Daş Salahlı
kənd sakinləri Əliyev İslam Vəli oğlu və Əliyev Qəhrəman Kərəm oğlunun müxtəlif
səpkili müraciətləri də müvafiq olaraq cavablandırılıb.
GOYEZEN.AZ
Facebook-da paylaş