Qazaxın Dəmirçilər kəndinə yeni asfalt yol çəkilir
Bu gün Azərbaycan güclü bir
dövlət kimi bütün dünyada söz sahibidir. Bunu ölkəmizdə aparılan genişmiqyaslı
abadlıq və quruculuq işlərindən, həyata keçirilən uğurlu layihələrdən, görülən
məqsədyönlü tədbirlərdən aydın şəkildə görmək olur. Günü-gündən inkişaf edən
ölkəmizdə Prezident İlham Əliyevin rəhbərliyi ilə bütün sahələrlə yanaşı, yol
infrastrukturunun inkişafı istiqamətində də məqsədyönlü tədbirlər həyata
keçirilir. Ölkə başçısının respublika və yerli əhəmiyyətli yolların yenidən
qurulması, ən ucqar dağ kəndlərinə belə yeni yolların çəkilməsi ilə bağlı
imzaladığı çoxsaylı Sərəncamlar bunun əyani sübutudur. Qazax rayonunun
Qazax–Uzuntala (9 km)–Cəfərli avtomobil yolunun tikintisi ilə bağlı tədbirlər
haqqında imzaladığı 8 iyun 2018-ci il tarixli Sərancamı da bu inkişafın davamı
olaraq bölgələrimizdə yeni asfalt yolların çəkilməsinə xidmət göstərir. Məhz
həmin Sərəncama əsasən bu gün Cəfərli kənd sakinləri rahat şəkildə yeni asfalt
yoldan istifadə edə bilirlər.
Qazax
rayonunda yol infrastrukturunun inkişaf etdirilməsi istiqamətində görülən məqsədyönlü
işlər ildən-ilə artır. Ölkə başçısının avtomobil yollarının tikintisi
ilə bağlı imzaladığı çoxsaylı Sərancamlara əsasən rayonumuzda yeni asfalt
yolların çəkilişi bir daha onu sübut edir ki, bu istiqamətdə görülən işlər
bundan sonra da uğurla davam etdiriləcəkdir. Bu gün bu inkişafı rayonun
Qazaxbəyli-Orta Salahlı-Aşağı Salahlı, Yuxarı Salahlı-Kəmərli, Kosalar, Quşçu
Ayrım, Canalı, Çaylı, Bala Çaylı, Hüseynbəyli, Cəfərli kəndlərinə yeni asfalt
yolların çəkilməsindən aydın şəkildə görmək olar.
Qazaxda son iki il yarım
ərzində Kosalar, Canalı, Kommuna, Çaylı, Hüseynbəyli, Cəfərli kəndlərinə yeni
asfalt yolların çəkilməsi, uzun illərdən bəri yaranmış problemin öz müsbət
həllini tapması onu deməyə əsas verir ki, rayonumuzda yolla bağlı görülən işlər
geniş miqyas alıb.
Bu il isə Qazaxda
daha bir avtomobil yolunun çəkilişinə başlanılıb. 2019-cu ildə çəkilməsi
nəzərdə tutulan və uzunluğu 16 km olan Daş Salahlı-Ürkməzli-Dəmirçilər kənd
yolunun yenidən qurulması bölgələrimizdə yol infrastrukturunun uğurla davam
etdirilməsinin əyani sübutudur. Belə ki, bir neçə həftədir ki, Dəmirçilər
kəndində yeni asfalt yolun çəkilməsinə start verilib.
Bu gün Qazax Rayon İcra Hakimiyyətinin başçısı Rəcəb
Babaşov və Prezident Administrasiyasının məsul işçisi Orxan Mürsəlov Dəmirçilər
kəndində yeni çəkilən yolda görülən işlərlə tanış olublar.
Baş mühəndis Elşad Nağıyev rayon rəhbərliyinə görülən
işlər barədə ətraflı məlumat verib. Bildirib ki, işlərin belə sürətlə
aparılması onu deməyə əsas verir ki, bu yeni asfalt yol da yaxın vaxtlarda kənd
sakinlərinin istifadəsinə veriləcəkdir.
RİHB-nin kənd İnzibati Ərazi Dairəsi üzrə nümayəndəsi
Gülnaz Mahmudova çıxış edərək kəndlərinə yeni asfalt yolun çəkilməsinə görə ölkə
başçısı İlham Əliyevə kənd sakinləri adından dərin minnətdarlığını bildirib. Kənd
sakinlərinin rahat gediş-gəlişinin təmin olunması istiqamətində görülən bu
xeyirxah işi yüksək qiymətləndirib.
Rayon rəhbərliyi görülən işlərlə tanış olduqdan
sonra bəzi tapşırıq və tövsiyələrini verib, işlərin keyfiyyətlə aparılmasını və
vaxtında başa çatdırılmasını qeyd edib.
GOYEZEN.AZ
<!--
[if !supportLineBreakNewLine]
-->
<!--
[endif]
-->
Facebook-da paylaş