İcra başçısı tələbələr üçün yaradılan şəraitlə tanış olub
Qazax
Rayon İcra Hakimiyyətinin başçısı Rəcəb Babaşovun fəaliyyətə başladığı ilk gündən
rayonda daim diqqət mərkəzində saxladığı sahələrdən biri də təhsil sahəsidir. İstər
müəllimlər, istərsə də şagirdlər rayon rəhbərliyi tərəfindən göstərilən diqqət
və qayğını elə ilk gündən hiss edirlər. Rayon rəhbərinin mütəmadi olaraq təhsildə
fərqlənən müəllim və şagirdləri qəbul etməsi, məktəblərdə onlar üçün yaradılan
şəraitlə tanış olması, qayğıları ilə yaxından maraqlanması bunun əyani
sübutudur.
Bu gün isə Rayon
İcra Hakimiyyətinin başçısı Rəcəb Babaşov Qazax Dövlət Sosial-İqtisadi
Kollecində yeni dərs ilinin başlanması ilə əlaqədar müəllim və tələbələr üçün
yaradılan şəraitlə tanış olub.
Binanın hər 2
mərtəbəsini gəzərək vəziyyətlə yerində tanış olan rayon rəhbəri istər
müəllimlərin rahat şəkildə dərs keçmələri, istərsə də tələbələrin yüksək
səviyyədə təhsil almaları üçün hər cür şəraitin yaradılması barədə bəzi tapşırıq
və tövsiyələrini verib.
Kollecin
direktoru Elşad Quliyev mütəmadi olaraq təhsil müəssisəsinə baş çəkdiyinə və
onlara göstərdiyi diqqət və qayğıya görə rayon rəhbərinə kollektiv adından
dərin minnətdarlığını bildirib.
Sonra icra
başçısı kollecə qəbul olmuş və qeydiyyata düşmək üçün gələn tələbə və onların valideynləri
ilə görüşüb.
Səmimi söhbət
əsasında keçən görüşdə valideynlər respublikamızda, eləcə də bütün
bölgələrimizdə təhsil sahəsinə göstərilən yüksək diqqət və qayğıdan söz
açıblar. Respublika Prezidenti İlham Əliyevin təhsilin inkişaf etdirilməsi
istiqamətində həyata keçirdiyi məqsədyönlü işləri yüksək qiymətləndirən
valideynlər bu sahənin daim diqqət mərkəzində olduğunu qeyd ediblər.
Övladlarının kollecdə şəffaf şəkildə təhsil aldıqlarını bildirən valideynlər
yaradılan bu nizam-intizama görə rayon rəhbərliyinə minnətdarlıqlarını çatdırıblar. GOYEZEN.AZ
Facebook-da paylaş