Qazaxda sərbəst güləş üzrə Qazax Rayon Gənclər və İdman İdarəsinin nəzdində Uşaq Gənclər İdman Məktəbinin birinciliyi keçirilib
Martın 4-də Qazax Rayon Gənclər və İdman İdarəsi və Qazax Olimpiya İdman Kompleksinin birgə təşkilatçılığı
ilə 27 fevral - 05 mart "İdman həftəsi” çərçivəsində 5
Mart - Bədən Tərbiyəsi və İdman Gününə həsr olunmuş sərbəst
güləş üzrə Qazax Rayon Gənclər və İdman İdarəsinin nəzdində Uşaq Gənclər İdman Məktəbinin
birinciliyi keçirilib. Qazax
Olimpiya İdman Kompleksində gərgin və
maraqlı idman mübarizəsi şəraitində keçən yarışda qalib adı uğrunda 116 nəfər
idmançı qüvvəsini sınayıb. Tədbir
iştirakçıları əvvəlcə Ümummilli Lider Heydər
Əliyevin adını
daşıyan parka gələrək abidəsini ziyarət edib, abidə önünə gül dəstələri düzərək əziz xatirəsini
ehtiramla anıblar.
Tədbirdə öncə Azərbaycan
Respublikasının Dövlət Himni səsləndirilib, torpaqlarımızın azadlığı və
ərazi bütövlüyü uğrunda canlarından keçmiş şəhidlərimizin əziz xatirəsi bir
dəqiqəlik sükutla yad edilib. Qazax Rayon Gənclər və
İdman İdarəsinin rəisi Vüqar Nəbiyev, rəis müavini Sahib Namazov, Qazax
Olimpiya İdman Kompleksinin direktoru Kərəm Axundov çıxış edərək 5 Mart - Bədən
Tərbiyəsi və İdman Günü münasibətilə rayonun idman ictimaiyyətini təbrik ediblər.
Ölkədə o cümlədən rayonumuzda idmana və idmançılara göstərilən dövlət
qayğısından söz açaraq, yarış iştirakçılarına uğurlar arzulayıblar. Yarışda
I, II, III yerləri tutmuş idmançılar Qazax Rayon Gənclər və İdman İdarəsi tərəfindən müvafiq Diplom və medallarla
təltif olunublar.
GOYEZEN.AZ
Facebook-da paylaş