Gənclər bu dəfə 3 medalla təltif olunmuş Vətən müharibəsi iştirakçısı Röyal Kərimovla görüşüblər
Aprelin 14-də "Qazax
Gənclər evi" sosial xidmət müəssisəsinin təşkilatçılığı ilə ölkə
Prezidenti İlham Əliyevin müvafiq Sərəncamları ilə "İgidliyə görə”, "Füzulinin azad olunmasına görə”, "Qubadlının azad olunmasına görə” medalları ilə təltif olunmuş Vətən müharibəsi iştirakçısı Kərimov
Röyal Şəadət oğlunun müəssisədə gənclərlə görüşü keçirilib. Tədbirdə əvvəlcə
torpaqlarımızın azadlığı uğrunda canından keçmiş igid Vətən oğullarının əziz
xatirəsi 1 dəqiqəlik sükutla yad edilib.
Tədbiri Qazax Gənclər
Evinin metodisti Eynur Məmmərzəyev açaraq tədbir iştirakçılarını salamlayıb, görüşün
əsas məqsədinin gənclərə vətənpərvərlik hissinin aşılanması və vətənpərvərlik
ruhunda tərbiyə olunmasından ibarət olduğunu qeyd edib. Daha sonra Vətən
müharibəsi iştirakçısı Röyal Kərimov çıxış edərək Füzuli, Cəbrayıl, Qubadlı rayonları
istiqamətində gedən döyüşlərdən, döyüş zamanı üzləşdikləri çətinliklərdən və
döyüş yoldaşlarının yüksək əhval-ruhiyəsindən danışıb.
GOYEZEN.AZ
Facebook-da paylaş