Qazax Rayon Gənclər və İdman İdarəsi tərəfindən fəal tələbə və könüllülərin “Avey” Dövlət Tarix-Mədəniyyət Qoruğuna ekskursiyası təşkil olunub
Martın 29-da Qazax Rayon
Gənclər və İdman İdarəsi tərəfindən Bakı Dövlət Universitetinin Qazax filialının
Tələbə Gənclər Təşkilatı və Qazax Dövlət Sosial-İqtisadi Kollecinin Tələbə
Gənclər Təşkilatının yaxından iştirakı ilə fəal tələbə və könüllülərin "Avey”
Dövlət Tarix-Mədəniyyət Qoruğuna ekskursiyası təşkil olunub. Gənclər ekskursiya zamanı "Avey”
Dövlət Tarix-Mədəniyyət Qoruğun "Göyəzən” filialında Göyəzən dağının ətəyində
aparılmış son arxeoloji qazıntılarla tanış olublar. "Avey” Dövlət
Tarix-Mədəniyyət Qoruğunun elmi işçisi Rəna Qocayeva gəncləri maraqlandıran
sualları cavablandırıb, qazıntılar
haqqında ətraflı məlumat verib. Daha sonra gənclər Qoruğun "Damcılı” filialında Damcılı
bulağı ilə tanış olub, tarixi
eksponatlara baxıblar. Filial müdiri Növrəstə Binnətova 2015-ci ilin yayında Mədəniyyət
Nazirliyinin təşəbbüsü ilə Yaponiyanın Tokio Universitetinin daş dövrü mütəxəssisi
professor Yoşihiro Nişiakinin rəhbərliyi ilə böyük bir heyətin Avey dağı ətəklərində
kəşfiyyat xarakterli axtarış aparmaq üçün qoruq ərazisinə dəvət olunduğunu
bildirib. 1 həftəlik axtarışdan sonra Avey dağında, Damcılı mağarası və mağara
düşərgəsinin ətrafında dünya əhəmiyyətli arxeoloji irsi kompleks tədqiq etmək
üçün 3 tərəfli beynəlxalq memorandum imzalandığını qeyd edib. Bu memorandumun Mədəniyyət
Nazirliyi tərəfindən "Avey” Dövlət Tarix-Mədəniyyət qoruğu, AMEA tərəfindən
Arxeologiya və Etnoqrafiya İnstitutu, Yaponiya tərəfindən Yaponiyanın Tokio
Universiteti Universitet Muzeyi arasında bağlandığını diqqətə çatdırıb.
Pandemiya dövrünə qədər hər yay qazıntı işlərinin aparıldığını vurğulayıb. Ümumilikdə 25 nəfər gəncin qatıldığı ekskursiyadan
gənclər xoş təəssüratlarla ayrılıblar.
GOYEZEN.AZ
Facebook-da paylaş