"Xocalı fəryadı" adlı bədii qiraət müsabiqəsi keçirilib
Gənclərin İnkişaf və
Karyera Mərkəzinin Qazax nümayəndəliyi və "Qazax Gənclər Evi" Sosial
Xidmət Müəssisəsinin birgə təşkilatçılığı ilə Xocalı soyqırımının 30-cu
ildönümünə həsr olunmuş "Xocalı fəryadı" adlı bədii qiraət müsabiqəsi
keçirilib. Müsabiqəyə
Qazax rayonunda yerləşən orta ümumtəhsil məktəblərinin 18 nəfər yuxarı sinif
şagirdi qatılıb. Səsləndirilən şeirlərin
qiymətləndirilməsində Azərbaycan Yazıçılar Birliyinin Qazax zona filialının
üzvü, şair Səhlədar Hidayətoğlu iştirak edib. Münsiflər heyətinin yekun
qərarına əsasən Qazax rayon Araz Əmilov adına Daş Salahlı kənd 1 nömrəli tam
orta məktəbin şagirdi Nəzrin Qurbanova I yeri tutaraq müsabiqənin qalibi olub. Qazax
şəhər Qaratel Hacımahmudova adına ümumi orta məktəbin şagirdləri Sevda
Adıgözəlova və Əsmər Hüseynova II yeri tutublar. Qazax rayon Araz Əmilov adına
Daş Salahlı kənd 1 nömrəli tam orta məktəbin şagirdi Nərgiz Səttarova və Qazax
şəhər Səməd Vurğun adına 2 nömrəli tam orta məktəbin şagirdi Nigar Osmanlı isə III
yerin sahibi olublar. Qalib və mükafatçılara
Gənclərin İnkişaf və Karyera Mərkəzinin Qazax nümayəndəliyi tərəfindən Diplom
və qiymətli hədiyyələr təqdim olunub. GOYEZEN.AZ
Facebook-da paylaş