Azərbaycan Respublikasının Dövlət Bayrağı milli suverenliyin simvolu, qürur mənbəyidir. Bayrağımız Azərbaycan vətəndaşlarının milli həmrəyliyinin, vahid məfkurə ətrafında sıx birləşməsinin başlıca amillərindən, milli identikliyin təzahür formalarından biridir. Ən müqəddəs rəmzlərdən olan bayraq millətin varlığının, mövcudluğunun sübutu, müstəqil dövlətə sahib çıxmaq bacarığının əsas göstəricisidir. Özünütəsdiq simvolu olan bayraq hər bir Azərbaycan vətəndaşı üçün qürur və güvənc yeridir. Bu gün Azərbaycan xalqı xoşbəxtdir ki, üçrəngli Azərbaycan Bayrağı Müzəffər Ali Baş Komandan İlham Əliyevin rəhbərliyi altında şanlı ordumuzun azad etdiyi torpaqlarda dalğalanır.

Qazax Rayon Gənclər və İdman İdarəsi tərəfindən 9 Noyabr - Azərbaycan Respublikasının Dövlət Bayrağı Günü münasibətilə bayraqcıqların paylanılması aksiyası həyata keçirilib.

Aksiyada 3 könüllü qrupun iştirakı ilə şəhərin müxtəlif ərazilərində 100 ədəd bayraqcıq paylanılıb.

GOYEZEN.AZ