Qazaxda 15 İyun - Milli Qurtuluş Günü silsilə tədbirlərlə qeyd olunur
Azərbaycan
tarixində mühüm mərhələnin başlanğıcı kimi yaddaşlara həkk olunmuş 15 iyun günü
xalqımız tərəfindən əlamətdar gün kimi qeyd olunur. Ümummilli Lider Heydər
Əliyevin 1993-cü ilin iyununda xilaskar missiyası ilə yenidən hakimiyyətə
qayıtması ilə tarixə düşən 15 iyunu Azərbaycan xalqı Milli Qurtuluş Günü kimi
bayram edir.
Respublikamızın
hər yerində olduğu kimi, Qazaxda da 15 İyun - Milli Qurtuluş Günü silsilə tədbirlərlə
qeyd olunur.
Növbəti tədbir
iyunun 14-də Qazax Rayon Gənclər və İdman İdarəsi tərəfindən gənclərin iştirakı
ilə keçirilib.
COVID-19 pandemiyası
ilə bağlı Azərbaycan Respublikası Nazirlər
Kabineti yanında Operativ Qərargahın xüsusi karantin rejimi qaydalarına və tələblərinə
uyğun olaraq keçirilən tədbirdə əvvəlcə Ulu Öndər Heydər
Əliyevin abidəsi ziyarət olunub, dahi şəxsiyyətin abidəsi önünə gül dəstələri
düzülərək əziz xatirəsi ehtiramla yad edilib.
Sonra Ulu
Öndərin adını daşıyan Heydər Əliyev Mərkəzində dahi şəxsiyyətin həyat və
yaradıcılığını əks etdirən film nümayiş etdirilib.
Tədbirdə Vətən
uğrunda canından keçən şəhidlərimizin əziz xatirəsi də bir dəqiqəlik sükutla
yad olunub.
Qazax Rayon Gənclər və İdman İdarəsinin rəisi Vüqar
Nəbiyev, Qazax Rayon Heydər Əliyev Mərkəzinin direktoru Ceyhunə Hüseynova çıxış
edərək bu gün qürurla qeyd etdiyimiz 15 İyun – Milli Qurtuluş Gününün təməlində
şanlı tarix səhifəsini yaradan, Azərbaycanın inkişafında, müstəqilliyində,
gələcəyində müstəsna rol oynayan, daim xalqına arxalanan və xalqa arxa olan bir
insanın – Heydər Əliyevin Azərbaycan dövlətinin və xalqının parlaq gələcəyi
naminə göstərdiyi misilsiz xidmətlərinin dayandığını bildiriblər. Qeyd ediblər
ki, 1991-ci ilin oktyabr ayında Azərbaycan yenidən öz müstəqilliyini əldə
etdikdən sonra Ermənistanın işğalçılıq niyyəti güdən təcavüzü respublikada
vəziyyəti gərginləşdirirdi. Vətənin bu ağır dövründə Azərbaycan Kommunist
Partiyası Mərkəzi Komitəsinin sədri olmuş, daha sonra Sovet İttifaqı Kommunist
Partiyası Mərkəzi Komitəsi Siyasi Bürosunun üzvü, SSRİ Nazirlər Soveti sədrinin
birinci müavini, 1991-1993-cü illərdə Naxçıvan Muxtar Respublikası Ali
Məclisinin sədri Heydər Əliyev hakimiyyətə qayıtdı. 1993-cü il iyunun 15-də
Heydər Əliyev Azərbaycan Respublikası Ali Sovetinin sədri seçildi və 15 iyun
Azərbaycanın tarixinə Milli Qurtuluş Günü kimi daxil oldu. Ümummilli Lider Heydər Əliyev hakimiyyətə qayıdaraq,
Azərbaycan dövlətçiliyinin qorunması üçün qətiyyətli tədbirlər gördü, ölkədə
davamlı ictimai-siyasi sabitliyi bərqərar etdi. Beləliklə, Heydər Əliyevin şah
əsəri olan müasir müstəqil Azərbaycan dövləti quruldu və sürətli inkişaf yoluna
qədəm qoydu. Ümummilli Liderin bu siyasətini Prezident İlham Əliyev uğurla
davam etdirir. Prezident İlham Əliyevin qətiyyətli addımları sayəsində 30
illik həsrətdən sonra şanlı ordumuzun sayəsində işğal altında olan
torpaqlarımız düşmən tapdağından azad edildi. Bütün dünya Silahlı Qüvvələrin Müzəffər Ali
Baş Komandanı İlham Əliyevin müdrik, güclü lider olmasının, Azərbaycanın güclü
dövlət olmasının və qüdrətli orduya sahib olmasının şahidi oldu. Ən əsası isə bu
gün Azərbaycan xalqı 15 İyun – Milli Qurtuluş Gününü qalib ölkənin vətəndaşı
olaraq qeyd edir. Buna görə də Ali Baş Komandana, şəhidlərimizə, qazilərimizə,
hərbçilərimizə, əsgər və zabitlərimizə minnətdardır.
GOYEZEN.AZ
Facebook-da paylaş