Qazaxlı gənclər 20 Yanvar faciəsinin 31-ci ildönümü ilə əlaqədar Şəhidlər xiyabanını ziyarət ediblər
20 Yanvar Azərbaycan xalqının hüzn günü ilə yanaşı,
həm də şərəf günüdür. Qanlı
Yanvar faciəsinin qurbanları dövlət müstəqilliyimizin qazanılması, haqq səsimizin
dünyaya çatdırılması yolunda şəhid olublar. 20 Yanvar şəhidləri tariximizə qəhrəmanlıq
səhifələri yazıblar. Onların adı xalqımızın yaddaşına əbədi həkk olunub. "Qazax Gənclər evi” sosial xidmət müəssisəsinin əməkdaşları
və bir qrup könüllü 20 Yanvar faciəsinin 31-ci ildönümü ilə əlaqədar Qazax şəhərinin
mərkəzində yerləşən Şəhidlər xiyabanını ziyarət edib, igd Vətən oğullarının
xatirəsinə ucaldılmış memorial önünüə tər qərənfillər düzərək şəhidlərimizə
olan ehtiramlarını bildiriblər. Bütün şəhidlərimizin xatirəsinin hər birimiz üçün əziz
olduğunu qeyd edərək hər zaman onlarla fəxr etdiklərini, qürur hissi keçirdiklərini
dilə gətiriblər. Gənclər olaraq üzərilərinə böyük bir məsuiyyət düşdüyünü, şəhidlərimizi,
onların döyüş yolunu, Vətən və xalq üçün etdiklərini özlərindən sonra gələn gələcək
nəsillərə çatdırmağın hər bir gəncin qarşısında duran ən əsas vəzifə olduğunu
vurğulayıblar.
GOYEZEN.AZ
Facebook-da paylaş