BDU-nun Qazax filialında onlayn konfrans keçirilib
Bakı
Dövlət Universitetinin Qazax filialında filialın əsas struktur rəhbərlərinin
iştirakı ilə onlayn konfrans keçirilib. Konfransda Azərbaycan Respublikasının Nazirlər Kabineti
yanında Operativ Qərargahın qərarlarından irəli gələn vəzifələr, filialda tədris
prosesinin onlayn rejimdə davam etdirilməsi, pandemiya başlanan dövrdən bəri
görülmüş işlər və nəzərdə tutulmuş məsələlər müzakirə olunub. Filialın direktoru, dosent Arif Rüstəmov koronavirus
pandemiyası ilə əlaqədar yaranmış vəziyyətdə tədris işlərinin virtual şəkildə
davam etdirildiyini bildirib. Qeyd edib ki, filialda keçiriləcək dərslərin
bütün materialları tələbələrə çatdırılıb və tədris prosesi onlayn formasında
davam etdirilir. Bildirib ki, filial xalqımızla həmrəyliyini bəyan edərək
koronavirus pandemiyasının vətəndaşlarımıza və iqtisadiyyatımıza təsirinin
qarşısını almaq üçün dövlətimiz tərəfindən həyata keçirilən tədbirlərə dəstək
göstərib. "Azərbaycan Respublikasında əhalinin sağlamlığının qorunması və
koronavirus infeksiyasına qarşı mübarizənin gücləndirilməsi ilə bağlı tədbirlər
haqqında” dövlət başçısı İlham Əliyevin 19 mart 2020-ci il tarixli Fərmanı ilə
yaradılmış Koronavirusla Mübarizəyə Dəstək Fonduna (KMDF) Bakı Dövlət
Universitetinin Qazax filialı tərəfindən könüllü ianə edilib. Filialın
direktorluğunun qərarı ilə Koronavirusla Mübarizəyə Dəstək Fonduna 7500 manat
məbləğində maliyyə vəsaiti köçürülüb. Filialın tədris şöbəsinin müdiri Hürü Şamilova və
dekan əvəzi Hamlet İlyasov görülən işlər barədə məlumat verərək bildiriblər ki,
filialda qarşıya qoyulmuş bütün işlər planauyğun qaydada həyata keçirilir və
bütün tədris materialları ilə tələbələr tam təmin olunublar. Bununla bağlı
filialda heç bir problem yaranmayıb və tədris prosesi virtual qaydada davam
etdirilir. Direktor Arif Rüstəmov qeyd edib ki, tələbələr
qarşılaşdıqları suallarla bağlı həm direktorluğa, həm də filialın aidiyyatı
strukturlarına onlayn qaydada müraciət edə bilərlər. Əmin olduğunu bildirib ki,
yaranmış şəraitdə müəllim və tələbələr birlik nümayiş etdirəcək və qarşımızda
duran vəzifə uğurla həyata keçiriləcəkdir. Konfransın sonunda görüləcək işlərlə bağlı müvafiq
tapşırıqlar verilib. GOYEZEN.AZ
Facebook-da paylaş