BDU-nun Qazax filialında “Məzun günü” keçirilib
İyunun 27-də Bakı Dövlət Universitetinin Qazax
filialında "Məzun günü” tədbiri keçirilib. Filialın qarşısında təşkil olunan
tədbirdə professor-müəllim heyəti, məzunlar iştirak edib. Tədbir Azərbaycan Respublikasının Dövlət Himninin
səsləndirilməsi ilə başlayıb.
Filialın direktoru, dosent Arif Rüstəmov tədbirdə
çıxış edərək əlamətdar gün münasibətilə məzunları,
onların valideynlərini təbrik edib, ölkəmizdə təhsilə göstərilən dövlət
qayğısından, filialın əldə etdiyi nailiyyətlərdən danışıb. Bakalvr səviyyəsi
üzrə 410, magistratura səviyyəsi üzrə isə 11 tələbənin universiteti bitirdiyini
qeyd edən A.Rüstəmov məzunların gələcəkdə bacarıqlı bir mütəxəssis kimi
ölkəmizin tərəqqisində, cəmiyyətin inkişafında mühüm rol oynayacaqlarına əmin
olduğunu bildirib.
Filialın direktor müavini Məmməd
Yusifov, dekan Hamlet İlyasov, professor Hüseyn Xəlilov, baş müəllim Mustafa
Mustafayev çıxış edərək məzunlara uğurlu yol arzulayıblar. Filialın Tələbə Gənclər Təşkilatının sədri Pəri
İbrahimova məzunlar adından danışaraq onlara bəslənən ümidləri öz əməli işləri
ilə doğruldacaqlarını söyləyib, onlara yaradılan yüksək şəraitə görə minnətdarlığını
bildirib. Sonra filialın ictimai-mədəni, kütləvi tədbirlərində,
eləcə də təhsildə fərqlənən bir qrup məzuna mükafatlarverilib. Sonda məzunlar rəngarəng konsert proqramı ilə çıxış
ediblər.
Filialın Mətbuat Xidməti
Facebook-da paylaş