İcra başçısı vətəndaşların müraciətini dinləyib
Ölkə Prezidenti İlham Əliyevin, Birinci vitse-prezident Mehriban xanım Əliyevanın vətəndaşlara göstərdikləri qayğı hər bir dövlət məmuruna nümunə olmalıdır. Eyni zamanda, bu, ölkəmizdə yürüdülən dövlət siyasətinin əsasında vətəndaş amilinin dayanmasını göstərir. Ölkə başçısının yerlərdə vətəndaş müraciətlərinə obyektiv şəkildə baxılması, vətəndaş məmnunluğunun təmin edilməsi ilə bağlı müvafiq sərəncam və tapşırıqlarının icrasına Qazax rayonunda hər zaman operativ və həssaslıqla yanaşılır.
Vətəndaş məmnunluğunun təmin olunması istiqamətində dövlət siyasətini əsas tutaraq, Rayon İcra Hakimiyyətinin inzibati binasında fərdi və ümumi şəkildə vətəndaşların qəbulları həyata keçirilir, müraciət və təklifləri dinlənilir. Rayonda şəhid ailələri və müharibə iştirakçılarının sosial qayğılarının öyrənilməsi və həlli də daim diqqət mərkəzində saxlanılır.
Yanvarın 14-də Qazax Rayon İcra Hakimiyyətinin başçısı Rəcəb Babaşov Qazax şəhərindən, rayonun Qaymaqlı və Ağköynək kəndlərindən müraciət etmiş 3 nəfər vətəndaşı qəbul edib, onların müxtəlif məzmunlu müraciətlərini dinləyərək müvafiq olaraq cavablandırıb.
Facebook-da paylaş