Qazaxbəyli kəndində sakinlərlə səyyar görüş keçirilib
2018-ci il ölkəmiz üçün uğurlu il oldu. İlin əvvəlindən
qarşımıza qoyduğumuz bütün vəzifələr uğurla və vaxtında icra edildi. Azərbaycan
2018-ci ildə də öz dinamik inkişafını təmin edərək bütün dünyaya güclü bir dövlət
olduğunu sübut etdi. Müstəqil Azərbaycanın son 15 ildə keçdiyi bu inkişaf
və yüksəliş yolu bir daha sübut etdi ki, bu gün dövlətimiz və xalqımız
Prezident İlham Əliyevin rəhbərliyi altında həmin inkişafa doğru uğurlu addımlarla
irəliləyir. Bu gün bu
fikirlər Qazaxbəyli kəndində yaşayan sakinlərlə keçirilən səyyar görüş zamanı
səslənib. Qazaxbəyli kənd
tam orta məktəbin qarşısında keçirilən görüşdə RİHB aparatının məsul şəxsləri,
aidiyyəti idarə, müəssisə və təşkilat rəhbərləri də iştirak ediblər. Bayram
ərəfəsində keçirilən səyyar görüşdə rayonumuzda, eləcə də kənddə görülən
tikinti-quruculuq işlərinə, sosial-iqtisadi sahədə əldə edilən göstəricilərə,
elm, təhsil, səhiyyə, mədəniyyət, idman və digər sahələrdə qazanılan uğurlara
bir daha nəzər salınıb. Qazanılan uğurlarla yanaşı, kənddəki mövcud vəziyyətlə,
sakinləri narahat edən qayğılarla da maraqlanılıb. Qazax Rayon
İcra Hakimiyyətinin başçısı Rəcəb Babaşov görüşdə çıxış edərək kənd sakinlərini
salamlayıb, qarşıdan gələn 31 dekabr - Dünya Azərbaycanlılarının Həmrəylik Günü
və Yeni il münasibətilə səmimi qəlbdən təbrik edib, xoş arzularını çatdırıb.
Hər zaman olduğu kimi, bugünkü görüşün də əsas məqsədi siz sakinləri narahat
edən məsələləri öz dilinizdən eşitmək və həlli istiqamətində əməli işlər
görməkdir, – deyən rayon rəhbəri bildirib ki, səyyar görüşlər ölkə başçısının
tapşırığına əsasən keçirilir. Bu cür səyyar görüşlərin təməlində vətəndaşlara
olan diqqət və qayğının dayandığını söyləyib. İcra başçısı dövlət siyasətinin prioritet istiqamətlərindən birini
təşkil edən vətəndaş amilinin Qazaxda hər zaman ön plana çəkildiyini
vurğulayaraq fəaliyyətə başladığı ilk gündən sakinlərin arasında
olmağı, onları narahat edən qayğıları öz dillərindən eşitməyi qarşıya məqsəd
qoyduğunu bildirib. Rayon rəhbəri
bildirib ki, bu gün sevindirici hal odur ki, ölkə başçısının uğurlu siyasəti
nəticəsində ölkəmizdə həyata keçirilən genişmiqyaslı layihələr, tədbirlər, bir
sözlə, aparılan sürətli və dinamik inkişaf paytaxtla yanaşı, bölgələrimizə də şamil
olunur. Son iki il yarım ərzində Qazaxda aparılan abadlıq, tikinti-quruculuq
işlərinin geniş miqyas alması bunu söyləməyə əsas verir. "Regionların
sosial-iqtisadi inkişafı Dövlət Proqramı”na uyğun olaraq respublikamızın hər
yerində olduğu kimi, Qazax rayonunun da inkişaf etdiyini bildirən icra başçısı
son iki il yarım ərzində bu inkişafın daha geniş vüsət aldığını bildirib. 2016,
2017-ci illərlə nisbətdə bu il rayonumuzda aparılan quruculuq işlərini müqayisə
edən rayon rəhbəri istifadəyə verilən çoxsaylı sosial obyektlərin inşasından,
yeni iş yerlərinin yaradılmasından, rayonun sosial-iqtisadi göstəricilərinin
gündən-günə artmasından da söz açıb. "Azərxalça” ASC tərəfindən tikilən xalça müəssisəsinin, "Mətanət
A” şirkəti tərəfindən inşa edilmiş Əhəng zavodunun, hazırda İkinci Şıxlı kəndində
"İnvestel GROUP” MMC tərəfindən tikilən və son tamamlanma işləri aparılan
Aqroparkın, "Gedik Carçı Qaynaq” LTD şirkəti tərəfindən inşa
edilən "Gedik-Carçı” Elektrod Zavodunun, 145 çarpaylıq rayon Mərkəzi
Xəstəxanasının 2018-ci ilin yaddaqalan uğurlarından biri olduğunu qeyd edib. Ölkə başçısının
respublika və yerli əhəmiyyətli yolların yenidən qurulması, ən ucqar dağ
kəndlərinə belə yeni yolların çəkilməsi ilə bağlı imzaladığı çoxsaylı
Sərəncamların Qazax rayonunda da uğurla icra olunduğunu qeyd edən icra başçısı
bu sahədə məqsədyönlü işlərin görüldüyünü vurğulayıb. Bu gün bu inkişafı
rayonun Qazaxbəyli-Orta Salahlı-Aşağı Salahlı, Yuxarı Salahlı-Kəmərli, Kosalar,
Quşçu Ayrım, Canalı, Çaylı, Bala Çaylı, Hüseynbəyli, Cəfərli kəndlərinə yeni
asfalt yolların çəkilməsindən aydın şəkildə görmək olar. İcra başçısı
bildirib ki, dövlət başçısının avtomobil yollarının tikintisi ilə bağlı
imzaladığı çoxsaylı Sərancamlara əsasən rayonumuzda yeni asfalt yolların
çəkilişi bir daha onu sübut edir ki, bu istiqamətdə görülən işlər bundan sonra
da uğurla davam etdiriləcəkdir. Qazaxda son iki
il yarım ərzində Kosalar, Canalı, Kommuna, Çaylı, Hüseynbəyli, Cəfərli
kəndlərinə yeni asfalt yolların çəkilməsi, uzun illərdən bəri yaranmış
problemin öz müsbət həllini tapması onu deməyə əsas verir ki, rayonumuzda yolla
bağlı görülən işlər geniş miqyas alıb. Qazax rayonunda yol infrastrukturunun
inkişaf etdirilməsi istiqamətində görülən məqsədyönlü işlərin ildən-ilə
artmasının nəticəsidir ki, bu il Qazaxda daha bir avtomobil yolunun
çəkilişinə başlanılıb. 2019-cu ildə çəkilməsi nəzərdə tutulan və uzunluğu 16 km
olan Daş Salahlı-Ürkməzli-Dəmirçilər kənd yolunun yenidən qurulması
bölgələrimizdə yol infrastrukturunun uğurla davam etdirilməsi deməkdir. Artıq
Dəmirçilər kəndində yeni asfalt yolun çəkilməsinin başa çatdığını qeyd edən
rayon rəhbəri digər kəndlərdə olduğu kimi, Qazaxbəyli kəndinə yeni asfalt yolun
çəkilməsi üçün bu kəndin də növbəti dövlət proqramına salınmasının nəzərdə
tutulduğunu bildirib. İcra başçısı "Azərbaycan
Respublikası regionlarının sosiqal-iqtisadi inkişafı Dövlət Proqramı”
çərçivəsində Gəncə-Qazax-Gürcüstan dövlət sərhədi avtomobil yolunun tikintisinə
başlanılacağını da qeyd edib. 4 zolaqlı yolun 34 km-nin Qazaxdan keçdiyini
diqqətə çatdırıb. Eni 27,5 metr, hərəkət hissəsi 15 metr olan yolda 7 ədəd
körpü, 90 ədəd su keçidinin qoyulacağını qeyd edib. Yolun keyfiyyətli çəkilməsi
üçün xüsusi komissiya yaradıldığını və bu gün avtomobil yolunun tikintisi ilə
bağlı müşavirə də keçirildiyini qeyd edib. Rayon rəhbəri iki il müddətində
çəkilməsi nəzərdə tutulan yeni avtomobil yolunun tikintisini rayonda yeni iş
yerlərinin yaranması baxımından da yüksək qiymətləndirib. Rayon rəhbəri
son illər Qazaxda azyaşlı körpələrə göstərilən diqqət və qayğıdan, onların
sağlam, hərtərəfli və düzgün böyüməsi, təlim-tərbiyə olunması üçün yaradılan
şəraitdən də danışıb. Bildirib ki, bu gün tam
əminliklə deyə bilərik ki, rayon üzrə olan 25 bağçadan 18-də müasir
standartlara cavab verən şərait yaradılıb. Şəhər bağçalarından - 1,2,3,4,5
saylı, kənd bağçalarından - Qazaxbəyli kəndi ərazisində məcburi köçkünlər üçün
salınmış yeni qəsəbədə yerləşən Aşağı Əskipara, Daş Salahlı kənd 2 və 3 saylı,
Kosalar kənd 2 və 3 saylı, Xanlıqlar, Dəmirçilər, İkinci Şıxlı kənd
2 saylı körpələr evi-uşaq bağçaları,
Cəfərli, Canalı, Quşçu Ayrım, Bala Cəfərli kənd uşaq bağçaları bu
dediklərimizin əyani sübutudur. Şəhərdə
yerləşən 6 saylı körpələr evi-uşaq bağçasının da əsaslı şəkildə yenidən
qurulduğunu qeyd edən icra başçısı bildirib ki, bu gün rayonda daha 7 bağçanın
- İkinci Şıxlı kəndində 2, Aşağı Salahlı, Hüseynbəyli, Kosalar, Daş Salahlı kəndlərinin
hər birində 1 bağçanın, eləcə də Qazaxbəyli uşaq bağçasının təmir olunmasının
nəzərdə tutulduğunu qeyd edib. Bu gün rayonda uşaqlara və bağçalara göstərilən
diqqət və qayğı, yaradılan şəraitlə yanaşı, ərzaq təminatının keyfiyyətinə də
daim nəzarət olunduğunu bildirib. Şəhid ailələrinə, Qarabağ Müharibəsi əlillərinə, veteranlarına göstərilən
diqqət və qayğıdan danışan rayon rəhbəri bu gün 168 km məsafədə düşmənlə
sərhəddi olan Qazax rayonunun da torpaqlarımızın ərazi bütövlüyü uğrunda 285
şəhid verdiyini, 7 igid oğlunun Azərbaycanın Milli Qəhrəmanı adına layiq
görüldüyünü bildirib. Rayon rəhbəri kimi fəaliyyətə başladığı ilk gündən bu
sahəyə xüsusi diqqət ayırdığını vurğulayıb. Şəhidlərimizin uyuduğu
qəbiristanlıqların, onların xatirəsinə ucaldılmış abidələrin, parkların,
bulaqların, xiyabanların abadlaşdırılmasının, yenilənməsinin, əsaslı şəkildə
təmir edilməsinin bunun bariz nümunəsi olduğunu diqqətə çatdırıb. Şəhərin
mərkəzində şəhidlərimizin əziz xatirəsinə yaradılmış Şəhidlər Xiyabanının bütün
şəhidlərimizə verilən ən yüksək qiymət olduğunu bildirib. Qazaxbəyli kəndinin də şəhid verdiyini bildirən rayon rəhbəri bu kəndin
oğlu olan Milli Qəhrəman Alı Mustafayevin əziz xatirəsinin hər zaman yad
olunduğunu, daim qəlblərdə yaşadığını bildirib. Şəhərin mərkəzində yerləşən
Şəhidlər Xiyabanında şəklinin əks olunduğu lövhənin vurulduğunu, kənddə adına
bulaq tikildiyini diqqətə çatdırıb. İcra başçısı
rayonda mövsümlə əlaqədar olaraq istər elektrik enerjisinin gərginliyinin,
istərsə də qazın təzyiqinin normal səviyyədə olması üçün məqsədyönlü işlər
görüldüyünü və bununla bağlı aidiyyəti üzrə tapşırıqlar verildiyini qeyd edib.
Bildirib ki, rayonda əhalinin yüksək keyfiyyətli elektrik enerjisi ilə
təmin olunması üçün müsbət işlər görülür ki, bunlardan biri də müasir tələblərə
cavab verən yeni transformatorların və elektrik xətlərinin çəkilməsi, SİP kabelləşmə işinin aparılmasıdır. Bu gün sərhəd
kəndlərindən olan Məzəm, Quşçu Ayrım, Cəfərli, Bala Cəfərli kəndlərində bu işin
başa çatdığını, Fərəhli kəndində isə davam etdiyini bildirib. Rayon rəhbəri
qeyd edib ki, ölkə başçısının rəhbərliyi altında bu gün görülən bütün işlər,
həyata keçirilən genişmiqyaslı layihələr, əldə edilən bütün uğurlar bir amala
və məqsədə xidmət edir ki, onun da kökündə vətəndaş amili dayanır. Hər bir iş
vətəndaş üzərində qurulub və onların rifah halının yaxşılaşdırılmasına yönəlib. Kənd sakinlərindən
– Qazaxbəyli kənd tam orta məktəbin Azərbaycan dili və ədəbiyyat müəllimi
Birgül Əliyeva, kənd uşaq bağçasının müdiri Gözəl Allahverdiyeva, Ramiz
Məmmədov, Kamran Salmanov, Nuranə Qurbanova, Təbriz Qurbanov, Ələddin Məmmədov və başqaları çıxış edərək istər respublikamızda, istərsə
də rayonumuzda olan bu inkişafa görə Prezident İlham Əliyevə dərin
minnətdarlıqlarını bildiriblər. Çıxış edən
sakinlər ötən müddət ərzində Qazaxda həyata keçirilən abadlıq və quruculuq
işlərini böyük sevinc hissi ilə qarşıladıqlarını qeyd ediblər. Digər kəndlərdə
olduğu kimi, Qazaxbəyli kəndində də abadlıq işlərinin aparıldığını bildirərək,
xüsusilə kənddə uzun illər mövcud olan su probleminin həll olunmasına görə
rayon rəhbərliyinə təşəkkürlərini çatdırıblar. Keçirilən
səyyar görüşü yüksək qiymətləndirən kənd sakinləri minnətdarlıqla yanaşı, öz
arzu və istəklərini çatdırıb, onları narahat edən bir sıra məsələlərdən də söz
açıblar. Sakinlər tərəfindən səsləndirilən gənc ailələrə həyətyanı torpaq
sahəsinin verilməsi, kənddə qəzalı vəziyyətdə olan elektrik dirəklərinin
dəyişdirilməsi, işlə təmin olunma və s. müraciətləri dinləyən rayon rəhbəri
qaldırılan hər bir məsələyə diqqətlə baxılacağını bildirib. İcra başçısı
Rəcəb Babaşov görüşə yekun vuraraq bir daha bütün kənd sakinlərini qarşıdan
gələn əlamətdr günlər münasibətilə təbrik edib, müstəqil Azərbaycanın inkişafı naminə
yeni-yeni nailiyyətlər qazanmağı arzulayıb. GOYEZEN.AZ
Facebook-da paylaş