Qazaxda tikilən Aqroparkda işlər başa çatmaq üzrədir
Bu gün
Azərbaycan kənd təsərrüfatının, sənayenin inkişaf etdirilməsi istiqamətində aparılan
uğurlu islahatların, həyata keçirilən məqsədyönlü tədbirlərin həcminə,
miqyasına görə bütün dünyada seçilir və böyük nüfuz sahibidir. Məhz ölkəmizdə
həyata keçirilən bu islahatlar nəticəsində dövlətimiz həm sosial-iqtisadi
cəhətdən inkişaf edir, həm də iqtisadiyyatın neft amilindən asılılığı azalır.
Ən əsası da bütün bunlar üçün geniş imkanlar yaradılır. Prezident İlham
Əliyevin kənd təsərrüfatının inkişaf etdirilməsi ilə bağlı imzaladığı çoxsaylı
Sərəncam və Fərmanlar da buna xidmət edir. Kənd təsərrüfatının, ümumilikdə ölkə
iqtisadiyyatının artan templə inkişaf etməsindən xəbər verir. Bu gün
ölkəmizdə elə bir sahə yoxdur ki, orada inkişaf, tərəqqi olmasın. Ölkə başçısı
İlham Əliyevin kənd təsərrüfatının inkişafı ilə bağlı verdiyi tapşırıq və
tövsiyələr Qazax rayonunda da uğurla icra olunur. Bunu rayonda yeni-yeni kənd
təsərrüfatı obyektlərinin, sənaye müəssisələrinin yaradılmasından da aydın
şəkildə görmək olur. Rayonun İkinci
Şıxlı kəndində "İnvestel GROUP” MMC tərəfindən tikilən Aqropark da bu
sahənin inkişaf etdirilməsi istiqamətində həyata keçirilən məqsədyönlü işlərin bariz
nümunəsidir. Rayonumuzda yaradılmış bu Aqropark həm kənd təsərrüfatının inkişaf
etdirilməsi, həm də yeni iş yerlərinin açılması baxımından olduqca böyük
əhəmiyyət kəsb edir. Bu gün Qazax Rayon İcra Hakimiyyətinin başçısı Rəcəb Babaşov Prezident
Administrasiyasının məsul işçisi Orxan Mürsəlovla birlikdə Aqroparkda
görülən son tamamlanma işləri ilə tanış olub. Aqroparkda şöbə
müdiri Seymur Əhmədov rayon rəhbərinə məlumat verərək bildirib ki, əsas
işlər tam başa çatıb. 2500 tonluq anbarın, 4500 kub metrlik 2 ədəd su
hovuzunun, texnikanın saxlanılması və təmiri üçün qarajların tikintisi
yekunlaşıb. Ümumi suvarma işlərinin həyata keçirilməsi məqsədilə quru və
soyuducu anbarın işləməsi üçün 12,8 km uzunluğunda elektrik xətti çəkilib.
Bununla əlaqədar 4 ədəd transformator da quraşdırılıb. Aqroparkda ən
böyük işlərdən biri olan Xram çayı üzərində 3 pilləli nasos stansiyalarının
tikilməsidir ki, bu gün nasoslar tam gücü ilə işləyir və həmin nasoslar
vasitəsilə gecə-gündüz suvarma işi həyata keçirilir. Bundan əlavə, 850 hektar
sahədə damcı üsulu ilə çiləmə sisteminin quraşdırılması üçün 18 km uzunluğunda
sahədaxili xətlər çəkilib, boru və qurğular alınıbdır. Bundan əlavə,
2600 tonluq soyuducu anbar da tam hazırdır. Anbarda avadanlıqların sınaq
testləri də aparılıb. Bu gün həmin anbarlarda məhsullar saxlanılır. Bildirilib
ki, tam hazır olan inzibati binada da bütün avadanlıqlar
quraşdırılıb. Qeyd edilib ki, bütün işlər paralel şəkildə həyata keçirilib.
Kompleksin həyətində həyət abadlaşma işləri aparılıb, həmişəyaşıl ağaclar və
dekorativ gül kolları əkilib. GOYEZEN.AZ
Facebook-da paylaş