Prezident İlham Əliyevin siyasətinin əsasını təşkil edən vətəndaş amili Qazaxda hər zaman ön plana çəkilir.

Qazax Rayon İcra Hakimiyyətinin başçısı Rəcəb Babaşov fəaliyyətə başladığı ilk gündən bu siyasəti Qazaxda olduğu kimi həyata keçirir. Mütəmadi olaraq rayon sakinləri ilə görüşməsi, onları narahat edən məsələləri öz dillərindən eşitməsi, vətəndaşlara göstərilən diqqət və qayğı ilə maraqlanması bunun bariz nümunəsidir.

Bu gün İcra Başçısı Rəcəb Babaşov rayonda fəaliyyət göstərən bir neçə idarə və müəssisədə olub.

Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Qazax rayon şöbəsi, 14 saylı Ərazi Vergilər İdarəsinin Qazax rayonu üzrə Xidmət Mərkəzi və Azərbaycan Respublikası Maliyyə Nazirliyinin Qazax rayonu üzrə Maliyyə İdarəsinə gələrək işçilərlə görüşüb, onlar üçün yaradılan mövcud şəraitlə yerində tanış olub. Onlara müraciət edən vətəndaşlara olan münasibətlə, göstərilən xidmət formaları ilə maraqlanıb.

Hər üç müəssisədə çalışan işçilər qeyd ediblər ki, bu gün Ölkə Başçısının vətəndaşlara olan səmimi münasibəti, onlara olan diqqət və qayğısı bizim işimizin də ən əsas hissəsini təşkil edir. Müraciət edən hər bir vətəndaşa qayğı ilə yanaşılır, etdikləri bütün məsələlərlə bağlı maksimum dərəcədə köməklik göstərilir.

İdarə və müəssisələrin yerləşdiyi inzibati binalarla, iş şəraiti ilə ətraflı tanış olan İcra Başçısı müvafiq tapşırıq və tövsiyələrini verib.