Sentyabrın 2-də Qazax Rayon İcra Hakimiyyətinin başçısı aparatı yanında fəaliyyət göstərən “Yetkinlik yaşına çatmayanların işləri və hüquqlarının müdafiəsi üzrə Komissiya” və Qazax RİH başçısı aparatı yanında fəaliyyət göstərən “Qəyyumluq və Himayəçilik Komissiyası”nın növbəti iclası keçirilib.

İcra aparatında keçirilən iclasda Qazax Rayon İcra Hakimiyyətinin başçısı Rəcəb Babaşov və hər iki komissiyanın üzvləri iştirak ediblər. 

Rayon rəhbərliyi ötən il və cari ildə Komissiyalar tərəfindən baxılmış məsələlər, görülmüş işlər və qarşıda duran vəzifələrlə tanış olub. İcra başçısı Komissiya üzvlərinin təkliflərini dinləyərək müvafiq tapşırıq və tövsiyələrini verib.