Respublikamızın hər yerində olduğu kimi, Qazaxda da milli bayramımız olan Novruz bayramına xüsusi hazırlıq işləri görülür. Bayram tədbirləri ilə yanaşı, rayon əhalisinin kənd təsərrüfatı və ərzaq məhsulları ilə təminatının yaxşılaşdırılması istiqamətində təşkil olunan "Novruz” yarmarkası da həmin işlərin əyani sübutudur.

Martın 15-dən Qazax şəhərindəki Təzə Bazarda start götürən Novruz yarmarkasına müxtəlif çeşiddə məhsullar çıxarılıb. Bütün məhsullar bazar qiymətlərindən aşağı qiymətə satılır. Hətta, quzu əti alıcılara 10 manata, mal əti isə 8 manata təklif olunur.

Bugünkü yarmarkada alış-veriş edən sakinlər yarmarkanın təşkilindən, satışa çıxarılmış məhsulların çeşidlərindən və qiymətlərindən razı qaldıqlarını söyləyərək ölkə başçısı İlham Əliyevə və rayon rəhbərliyinə minnətdarlıqlarını bildiriblər.

Sakinlər yarmarkanın keçiriləcəyi ərazidə yaradılan səliqə-səhman və abadlıq işlərini də yüksək qiymətləndiriblər. Ümumilikdə, yarmarkanın rayon ərazisində yüksək səviyyədə təşkil olunması, istehsalçıların məhsullarının daşınması və yerləşdirilməsi, satışa çıxarılan məhsulların keyfiyyətinə və çeşidlərinə xüsusi diqqət yetirilməsi, bazarla müqayisədə yarmarkada qiymətlərin daha əlverişli olması üçün hər cür şərait yaradıldığını bildiriblər.

Məlumat üçün qeyd edək ki, yarmarka martın 18 və 19 tarixlərində də təşkil olunacaq. Yarmarkanın imkanlarından rayon əhalisi, şəhərimizin qonaqları və bütün arzu edənlər faydalana bilərlər.

17 mart 2019-cu il tarixlərində keçirilmiş ərzaq satışı yarmarkasında qiymətlər aşağıdakı kimi olmuşdur