“Tarix yazan şəxsiyyət - Heydər Əliyev" adlı dəyirmi masa keçirilib
İyunun 14-də Gənclərin
İnkişaf və Karyera Mərkəzinin Qazax nümayəndəliyi və "Qazax Gənclər
Evi" Sosial Xidmət Müəssisəsinin birgə təşkilatçılığı ilə "Tarix
yazan şəxsiyyət - Heydər Əliyev" adlı dəyirmi masa keçirilib. 15 İyun – Milli Qurtuluş
Gününə həsr olunmuş tədbirdə iştirakçılar əvvəlcə Ulu Öndər Heydər Əliyevin
abidəsini ziyarət edərək əziz xatirəsini ehtiramla anıblar.
Qazax
Gənclər Evində davam edən tədbirdə Ümummilli Lider Heydər Əliyevin və
torpaqlarımızın işğaldan azad olunması, bütövlüyü uğrunda canlarından keçmiş şəhidlərimizin
əziz xatirəsi bir dəqiqəlik sükutla yad edilib.
"Qazax Gənclər Evi" Sosial Xidmət
Müəssisəsinin direktoru
Vüsal Hüseynov giriş sözü ilə çıxış edərək iştirakçıları salamlayıb, 15 İyun -
Milli Qurtuluş Gününün Azərbaycanın müstəqillik tarixinin ən şərəfli səhifələrindən
biri olduğunu vurğulayıb. Möhtərəm Prezident İlham Əliyevin Ulu Öndər siyasi
kursunu uğurla davam etdirməsi və zənginləşdirməsi sayəsində Azərbaycanın
dünyanın dinamik inkişaf edən, modernləşən, beynəlxalq miqyasda nüfuzu gündən-günə
artan dövlətə çevrildiyini bildirib. Vətən müharibəsində qazanılan möhtəşəm Zəfərin
də bu uğurların məntiqi nəticəsi olduğunu qeyd edib.
Gənclərin
İnkişaf və Karyera Mərkəzinin Qazax nümayəndəliyinin direktoru İsmayıl
Süleymanov çıxış edərək Vətənin dar günündə ictimaiyyətin, ziyalıların xahişi
ilə Bakıya gələn Ulu Öndər Heydər Əliyevin uğurlu siyasi fəaliyyətindən, onun
hakimiyyətə qayıdışının dövlətimizin xilası üçün müstəsna əhəmiyyətindən danışıb.
Bu gün Azərbaycanın regionun söz sahibi dövlətinə çevrilməsinin əsas qayəsinin
Ümummilli Lider Heydər Əliyevin adı ilə bağlı olduğunu söyləyib. Bu gün Ulu Öndərin
sağlam təməllər üzərində qurduğu siyasətin Prezident İlham Əliyev tərəfindən
uğurla davam etdirilməsindən danışıb. Bugünkü Azərbaycan Respublikasının Heydər
Əliyevin görmək istədiyi azad, müstəqil, demokratik və ərazi bütövlüyü təmin
olunmuş Azərbaycan olduğunu diqqətə çatdırıb.
GOYEZEN.AZ
Facebook-da paylaş