YAP Qazax Rayon Təşkilatının yeni ərazi partiya təşkilatı təsis edilib
Aprelin 7-də Yeni Azərbaycan
Partiyası Qazax Rayon Təşkilatının yeni "Qazax Gənclər evi” ərazi partiya təşkilatı
təsis edilib. Yığıncaq
iştirakçıları əvvəlcə partiyanın yaradıcısı Ümummilli Lider Heydər Əliyevin və Vətən
uğrunda canından keçən şəhidlərimizin əziz xatirəsini bir dəqiqəlik sükutla yad
ediblər.
Təsis yığıncağını
giriş sözü ilə açan "Qazax Gənclər evi” sosial xidmət müəssisəsinin direktoru
Vüsal Hüseynov müəssisə barədə məlumat verib. Bildirib ki, burada çalışan işçilər
arasında Yeni Azərbaycan Partiyası sıralarında təmsil olunan şəxslər vardır.
Onlar müəssisədə yeni ərazi partiya təşkilatının təsis edilməsi barədə müraciət
ediblər. Yeni Azərbaycan Partiyası Qazax Rayon Təşkilatı sədri bununla bağlı
müvafiq qərar qəbul etmişdir. Sonra yığıncaqda təşkilati
məsələyə baxılıb. "Qazax Gənclər evi” yeni ərazi partiya təşkilatına Vüsal
Hüseynov sədr, Eynur Məmmərzəyev sədr müavini seçiliblər. Yığıncaqda iştirak edən
YAP Qazax Rayon Təşkilatının sədri Anar Nəbiyev çıxış edərək yeni seçilən sədri
və müavini təbrik edib, gələcək fəaliyyətlərində uğurlar arzulayıb. Qeyd edib
ki, partiyamızın tarixi VII Qurultayında möhtərəm prezidentimiz, partiyamızın sədri
cənab İlham Əliyevin proqram xarakterli nitqindən irəli gələn vəzifələri hər
birimiz layiqincə yerinə yetirməliyik. A.Nəbiyev partiyanın Nizamnamə və
Proqramına edilən dəyişikliklər, ölkəmizin və regionun alternativsiz partiyası
olan Yeni Azərbaycan Partiyasının Azərbaycanın siyasi həyatına gətirdiyi çevik,
dinamik islahatlar, yeni qəbul olunan Əsasnamələr barədə ətraflı danışıb.
GOYEZEN.AZ
Facebook-da paylaş