31 Mart - Azərbaycanlıların Soyqırımı Günü ilə əlaqədar anım tədbiri keçirilib
Gənclərin
İnkişaf və Karyera Mərkəzinin Qazax nümayəndəliyinin təşkilatçılığı ilə Bakı
Dövlət Universitetinin Qazax filialında 31 Mart - Azərbaycanlıların Soyqırımı
Günü ilə əlaqədar anım tədbiri keçirilib. Tədbir
soyqırımı qurbanlarının əziz xatirəsinin bir dəqiqəlik sükutla yad edilməsi ilə
başlayıb.
Tədbirdə çıxış edən Bakı Dövlət Universitetinin Qazax filialının tarix
müəllimi Ülviyyə Bayramova azərbaycanlılara qarşı törədilən soyqırım
hadisələrindən bəhs edərək xatırladıb ki, 1918-ci ilin mart soyqırımı öz
amansızlığına və miqyasına görə təkcə Azərbaycan tarixində deyil, bəşər
tarixində də ən qanlı faciələrdən biridir. Daha sonra qeyd edilib ki, bu kimi
faciələrin təkrar olunmaması üçün tariximizdən dərs götürməli və vətənpərvər
gənclik yetişdirməyə davam etməliyik. Tədbirdə
iştirak edən ali məktəbin tələbələri mövzu ətrafında çıxış ediblər, eyni
zamanda, o dövrdə baş verən hadisələr haqqında müzakirələr aparıblar.
GOYEZEN.AZ
Facebook-da paylaş