31 Mart - Azərbaycanlıların Soyqırımı Gününə həsr olunmuş “Qanlı tarix” başlığı altında dəyirmi masa keçirilib
Martın 31-də Qazax Rayon Gənclər və
İdman İdarəsi tərəfindən 31 Mart - Azərbaycanlıların Soyqırımı Gününün 104-cü ildönümü ilə əlaqədar "Qanlı tarix” başlığı
altında dəyirmi masa keçirilib. Qazax Gənclər evində keçirilən tədbirdə əvvəlcə Vətən
uğrunda canından keçən şəhidlərimizin və soyqırımı qurbanlarının əziz xatirəsi
bir dəqiqəlik sükutla yad edilib. Qazax Rayon Gənclər və İdman İdarəsinin rəis
müavini Sahib Namazov giriş sözü ilə çıxış edərək tədbir iştirakçılarını
salamlayıb, tədbirin məqsəd və əhəmiyyətindən danışıb. S.Namazov qeyd edib ki,
1918-ci ilin mart soyqırımları öz amansızlığına və miqyasına görə təkcə
Azərbaycan tarixində deyil, bəşər tarixində görülən ən qanlı faciələrdən
biridir. Bu dəhşətli faciənin obyektiv mənzərəsini ortaya qoymaq məqsədilə Ulu
Öndər Heydər Əliyevin "Azərbaycanlıların soyqırımı haqqında” 1998-ci il 26 mart
tarixli Fərman imzaladığını, Azərbaycan xalqına qarşı törədilmiş bütün
soyqırımı faciələrini qeyd etmək məqsədilə 31 Mart - Azərbaycanlıların
Soyqırım Günü elan edildiyini söyləyib. Sonra Qazax şəhər İ.Qayıbov adına 3 nömrəli
tam orta məktəbin direktoru Ruslan Rzayev, YAP Qazax Rayon Təşkilatı Gənclər
Birliyinin sədri Kənan Hüseynli, BDU-nun Qazax filialının tələbəsi Minayə
Alıyeva mövzu ətrafında geniş çıxış ediblər. Çıxış edənlər xalqımızın başına
gətirilən müsibətlərin, soyqırımların heç zaman unudulmayacağını, gələcək
nəsillərə çatdırılması istiqamətində hər kəsin səfərbər olmalı olduğunu diqqətə
çatdırıblar.
GOYEZEN.AZ
Facebook-da paylaş