Xocalı faciəsinin 30-cu ildönümünə həsr olunmuş “Qan yaddaşımız” başlığı altında bədii-qiraət müsabiqəsi keçirilib
Fevralın 25-də Qazax Rayon Gənclər və İdman İdarəsi
və Qazax Rayon Uşaq-Gənclər İnkişaf Mərkəzinin birgə təşkilatçılığı ilə Xocalı
faciəsinin 30-cu ildönümünə həsr olunmuş "Qan yaddaşımız” başlığı altında
bədii-qiraət müsabiqəsi keçirilib. Tədbirdə əvvəlcə Vətən uğrunda canından keçən şəhidlərimizin
və Xocalı soyqırımı qurbanlarının əziz xatirəsi bir dəqiqəlik sükutla yad edilib.
Müsabiqəni giriş sözü ilə Qazax Rayon Gənclər və
İdman İdarəsinin rəis müavini Sahib Namazov açaraq iştirakçıları salamlayıb,
Xocalı soyqırımı haqqında ürək sözlərini bölüşüb. Qazax Rayon Uşaq-Gənclər İnkişaf Mərkəzinin
direktoru Gövhər Rəhimova çıxış edərək iştirakçılara uğurlar arzulayıb.
Keçirilən müsabiqənin əhəmiyyətindən danışan direktor Xocalı faciəsinin gələcək
nəsillərə çatdırılmasında, bütün dünyaya təqdim olunmasında bu cür
müsabiqələrin böyük əhəmiyyət daşıdığını qeyd edib. Müsabiqədə münsiflər heyətinin nəticələrinə əsasən Vəlizadə
Ayan Adil qızı, Nəbiyeva Nazilə Mehdi
qızı, Süleymanlı Məryəm Mədət qızı, Tatlıyeva Nərmin Nərman qızı, İsmayılova
Təhminə İslam qızı, Qasımova Sənubər Vüsal qızı I yerlərə layiq görülüblər.,
Qocayeva Dəniz Samir qızı, Musayeva Aysun Alik qızı, Hacıməmmədova Ofelya
Əflatun qızı müsabiqənin ikincisi olublar. Vəliyeva Mətanət Anar qızı, Quliyeva
Sunar Teymur qızı, Süleymanlı Xalidə Xəyal qızı isə III yerləri tutublar. Qaliblər Qazax Rayon Gənclər və İdman İdarəsinin müvafiq Diplomları və
hədiyyələri ilə təltif olunublar. Müsabiqədə fəal iştirak etdiyinə görə 10 nəfər iştirakçıya isə həvəsləndirici
Diplomlar təqdim edilib. Qazax Gənclər Evində keçirilən müsabiqədə ümumilikdə 45 nəfər iştirak
edib.
Facebook-da paylaş