“Erasmus+ Youth. Azərbaycanda Məlumat Mərkəzi”nin Qazax rayonuna səfəri baş tutub
Qazaxda Azərbaycanda ilk dəfə olaraq "Gələcəyə Körpü"
Gənclər İctimai Birliyi tərəfindən - Avropa Komisiyasının Erasmus + Youth.
Proqramı üzrə əldə edilmiş rəsmi Məlumat Mərkəzinin maarifləndirici seminarı
baş tutub.
Gənclər Mərkəzində
keçirilən tədbiri Mərkəzin koordinatoru Hüseynxan Hacızadə giriş sözü ilə
açaraq Qazax gənclərinə Məlumat Mərkəzinin nə üçün yaradıldığını, gənclər və
gənclər təşkilatları üçün hansı yardım və məsləhətlər təklif etdiyini, Erasmus
+ Youth. Proqramı
haqqında geniş məlumat verib.
Tədbirdə "Gələcəyə
Körpü" GİB-in Türk EVS könüllüsü Ayhan Gorgada iştirak edib.
Tədbirdə qeyd olunub ki, Erasmus+
Gənclər Fəaliyyətdə rəsmi əlaqə mərkəzi titulu SALTO–nun Şərqi Avropa və Qafqaz
Resurs Mərkəzi (Polşada Təhsil Sisteminin İnkişafı Fondunun hissəsi)
tərəfindən Şərq Tərəfdaşlığı ölkələri və Rusiyada fəaliyyət göstərən
təşkilatlara verilir. "Gələcəyə
Körpü” Gənclər İctimai Birliyi bu titul üçün namizədliyini irəli sürüb və
Azərbaycanda olan təşkilatlar arasında son üçlüyə daxil olub. Final mərhələdə
müsabiqədə maksimum 100 xaldan 81-ni toplayan "Gələcəyə Körpü” Azərbaycanda ilk
dəfə 2017-ci ilin iyun ayından dekabr ayınadək Erasmus+ Gənclər Fəaliyyətdə Proqramının Rəsmi Əlaqə
Mərkəzi elan olunub. Bu günədək ölkəmizdə Erasmus+ Proqramının Rəsmi Əlaqə
Mərkəzi olmayıb.
Qeyd edək ki, ilin sonuna kimi "Erasmus+ Youth. Azərbaycanda Məlumat Mərkəzi”nin bir çox
regionlara səfəri nəzərdə tutulur.
Sonda iştirakçıların
sualları cavablandırılıb və yekun müzakirələr aparılıb.
GOYEZEN.AZ
Facebook-da paylaş