Qazaxda “Mənəvi dəyərlərin təbliğində fərdi və ictimai amillər” mövzusunda regional seminar keçirilib
Bu gün Mənəvi Dəyərlərin
Təbliği Fondunun təşkilatçılığı və Qazax Rayon İcra Hakimiyyətinin dəstəyi ilə
"Mənəvi dəyərlərin təbliğində fərdi və ictimai amillər” mövzusunda regional
seminar keçirilib.
Gənclər Mərkəzində
keçirilən tədbirdə Mənəvi Dəyərlərin Təbliği Fondunun icraçı direktor müavini
Ceyhun Əliyev, Qazax Rayon İcra Hakimiyyəti başçısı aparatının İctimai-siyasi
və humanitar məsələlər şöbəsinin müdir müavini-dini qurumlarla işin
təşkilatçısı Məhəmməd Orucov, Bakı Beynəlxalq Multikulturalizm Mərkəzinin şöbə
müdiri Yadigar Məmmədli, Dini Qurumlarla İş üzrə Dövlət Komitəsinin Tovuz
bölgəsi üzrə şöbəsinin müdiri Rasim Tağıyev, rayon Gənclər və İdman İdarəsinin
rəisi Vüqar Nəbiyev, Qafqaz Müsəlmanları İdarəsinin bölgə qazısı İlham
Süleymanov, ziyalılar, müəllimlər, tələbələr və ictimaiyyət nümayəndələri
iştirak ediblər. Regional seminarı giriş
sözü ilə açan Qazax RİHB aparatının İctimai-siyasi və humanitar məsələlər
şöbəsinin müdir müavini-dini qurumlarla işin təşkilatçısı Məhəmməd Orucov
qonaqları salamlayaraq Qazaxda mənəvi sahə ilə bağlı təşkil edilmiş seminarın
əhəmiyyətindən danışıb. Gənclərin milli-mənəvi dəyərlərə bağlı şəkildə tərbiyə
edilməsinin günün tələbi olduğunu bildirib.
Regional seminarda çıxış
edən Mənəvi Dəyərlərin Təbliği Fondunun icraçı direktor müavini Ceyhun Əliyev
Prezident İlham Əliyev tərəfindən yaradılmış Fondun fəaliyyəti haqqında
iştirakçıları məlumatlandırıb. İcraçı direktor müavini fərdi və ictimai
cəhətdən mənəvi dəyərlərin təbliğ edilməsinin forma və vasitələri haqqında da
danışıb. Qeyd edib ki, cəmiyyətin mənəvi inkişafı fərdlərin inkişafından
birbaşa asılıdır.
Bakı Beynəlxalq
Multikulturalizm Mərkəzinin şöbə müdiri Yadigar Məmmədli ölkəmizin
sosial-iqtisadi inkişafının mənəvi sahəyə müsbət təsir etdiyini diqqətə çatdıraraq
mənəvi dəyərlərin qorunması və inkişafı yolları haqqında geniş məruzə ilə çıxış
edib.
Seminarda çıxış edən Dini
Qurumlarla İş üzrə Dövlət Komitəsinin Tovuz bölgəsi üzrə şöbəsinin müdiri Rasim
Tağıyev, Qazax rayon Gənclər və İdman İdarəsinin rəisi Vüqar Nəbiyev, Qafqaz
Müsəlmanları İdarəsinin bölgə qazısı İlham Süleymanov mənəvi dəyərlərlə bağlı
iştirakçılara öz tövsiyələrini çatdırıblar.
Regional seminar geniş müzakirələrlə
öz işini davam etdirib. GOYEZEN.AZ
Facebook-da paylaş