Heydər Əliyevin 94-cü ildönümü ilə əlaqədar Qazaxda ağacəkmə kampaniyası keçirilib

Qazax rayonunda Heydər Əliyevin anadan olmasının 94-cü ildönümü ilə əlaqədar ağac əkini kampaniyası keçirilib. Ağacəkmə kampaniyasında rayon icra hakimiyyətinin rəhbərliyi, idarə və müəssisə kollektivləri, gənclər, ictimaiyyət nümayəndələri iştirak ediblər.

Qazax rayon İcra Hakimiyyətinin Başçısı Rəcəb Babaşov kampaniyada iştirak edərək ağac əkib.

Ağaclar Bakı-Qazax magistral yolunun Qazax rayonu ərazisindən keçən hissəsinə əkilib. Yolun kənarlarına 3750 ədəd şam, çinar, gilas, nar, qovaq ştilləri basdırılıb.

Həmçinin ərazidə təmizlik-abadlıq işləri aparıb, sahə alaq otlarından, daşlardan təmizlənib, yeni əkilən ağaclar suvarılıb, əvvəllər basdırılan tinglərə isə aqrotexniki qulluq göstərilib.

İməcilikdə 1200 nəfərdən çox rayon sakini iştirak edib.